Mərkəzi Seçki Komissiyası (MSK) dekabrın 8-də Rusiya Federasiyasının prezident seçkilərində səsvermənin üç gün ərzində keçirilməsi ilə bağlı qərar layihəsinə baxacaq.

Bu barədə MSK-nın sədri Ella Pamfilova məlumat yayıb.

Onun sözlərinə görə, seçkilərdə beynəlxalq müşahidəçilərin fəaliyyəti üçün də prosedur hazırlanacaq. Bundan əlavə, Rusiyanın regionlarında uzaqdan elektron səsvermənin tətbiqi üçün meyarlar tərtib ediləcək. Bu cür səsvermə üçün əsas meyar sınaqdan çıxmış təcrübə olacaq.

Federasiya Şurası Rusiyada prezident seçkilərinin 2024-cü il martın 17-nə təyin edildiyini açıqlayıb.

Qeyd edək ki, Rusiyanın hazırkı rəhbəri Vladimir Putin qarşıdan gələn prezident seçkiləri ilə bağlı hansı qərarı verdiyini açıqlamayıb.