“Tesla” və “SpaceX”in sahibi İlon Maskın anası Mey Mask ABŞ Prezidenti Cozef Baydenin Maska nəzarət etmək üçün müxtəlif yollardan istifadə edəcəyi xəbərinə münasibət bildirib.

Bu barədə Mey Mask sosial media hesabında paylaşım edib.

O qeyd edib ki, Bayden Maskın dünyanı daha yaxşı yerə çevirməsinə mane olur:

“Mən İlon Maskın anasıyam. Onun məqsədi dünyanı daha yaxşı bir yerə çevirməkdir. ABŞ-nin hazırkı prezidenti onu dayandırmaq istəyir. Lakin başqa ölkələrdə insanlar İlonla fəxr edirlər”.

Qeyd edək ki, Baydenin Maska nəzarət etmək üçün müxtəlif yollardan istifadə edəcəyini ABŞ Federal Rabitə Komissiyasının üzvü Brendan Karr sosial media hesabında yazmışdı.