Bu gündən etibarən Rusiyanın Sankt-Peterburq şəhərində kütləvi tədbirlərin keçirilməsi zamanı maska rejimi tətbiq ediləcək.

Regionxeberlericom.az “İzvestiya”ya istinadən xəbər verir ki, bu barədə şəhərin baş dövlət sanitariya həkimi Nataliya Başketova qərar imzalayıb. 

Bildirilir ki, kütləvi bayram şənliklərinin, idman və mədəni tədbirlərin təşkilatçıları müəssisə və şirkətlərin işçilərinin maskadan istifadəsini təmin etməlidirlər. 

Məlumata görə, maska rejimi növbəti göstərişə qədər qüvvədə olacaq.

Qeyd edək ki, son günlər Rusiyada qrip və kəskin respirator virus infeksiyalarına yoluxma halları artıb.