Yaponiyanın mərkəzində daha bir güclü zəlzələ baş verib.

Ölkənin milli meteorologiya departamentinin məlumatına görə, maqnituda 5,5 bal təşkil edib.

Sunami təhlükəsi elan olunmayıb.

Qeyd edək ki, bazar ertəsindən bəri Yaponiyada müxtəlif güclü 300-dən çox zəlzələ baş verib ki, onlardan ən güclüsü 7,6 bal gücündə olub. Ölkənin bütün qərb sahilləri üçün sunami təhlükəsi 20 saatdan çox davam edib. Zəlzələ 1885-ci ildən bəri Yaponiyanın bu hissəsində baş verən ən güclü zəlzələ kimi qeydə alınıb. Seysmoloqlar xəbərdarlıq edir ki, bu bölgədə zəlzələlər təxminən bir həftə davam edəcək və maqnitudası 7-dən yuxarı olan yeni güclü zəlzələlərin meydana gəlmə riski var.

Son məlumatlara görə, Yaponiyada baş verən silsilə zəlzələlər nəticəsində azı 62 nəfər ölüb, 100-dən çox insan yaralanıb. Zəlzələlər İşikava prefekturasında geniş dağıntılara səbəb olub.