Madaqaskarda ayın əvvəlindən təsirli olan “Alvaro” qasırğası nəticəsində 12 nəfər həyatını itirib.

Bu haqda Milli Risk və Fəlakət İdarəetmə Ofisi (BNGRC) açıqlama yayıb

Bildirilib ki, 8 yanvar tarixinə qasırğadan zərər çəkənlərin sayı 32 min 876-ya yüksəlib, 16 mindən çox insan evlərini tərk edərək sığınacaqlara yerləşdirilib. Təsirini ən çox ölkənin cənub-şərqində göstərən qasırğa nəticəsində ümumilikdə 6616 evi su basıb.

Qeyd edək ki, Hind okeanında bir ada ölkəsi olan Madaqaskarda yanvar ayında yağışlı mövsüm başlayır və aprel ayına qədər davam edir.