“İraqın İslam Müqaviməti” hərəkatının dəstələri ABŞ-nin Suriyadakı hərbi bazasına raket zərbəsi endirdiyini açıqlayıb.

Bu barədə İsrailin informasiya portalı “Yedioth Ahronoth” məlumat yayıb.

Bildirilib ki, Həsəkə əyalətinin şimal-şərqindəki Xarab əl-Cir hava limanı ərazisindəki bazaya hücum edilib.

Təfərrüatlar barədə məlumat verilməyib.

Pentaqonun sözçüsü Patrick Rayder bildirib ki, ABŞ qüvvələri İraq və Suriyada 2023-cü il oktyabrın 17-dən bəri 127 hücuma məruz qalıb. Bunlardan 52-si İraqdakı, 75-i isə Suriyadakı bazalara hücum olub.