Müxalifətçi siyasətçi Aleksey Navalnının dul arvadı Yuliya videomüraciət yayıb və ərinin başladığı işi davam etdirmək niyyətində olduğunu açıqlayıb.

Xarici KİV-ə istinadla xəbərinə görə, bundan əlavə, o, müxalifətçinin qətlinin səbəblərini tezliklə açıqlayacağını və onun ölümündə əli olanların adlarını açıqlayacağını vəd edib.

“Biz bu cinayəti kimin və necə törətdiyini mütləq öyrənəcəyik. Bütün adlar ictimaiyyətə açıqlanacaq və bütün üzlər göstəriləcək”, - onun videomüraciətində deyilir.

Onun sözlərinə görə, o, Rusiyanı azad, dinc və xoşbəxt görmək istəyir. Navalnaya əmin edib ki, bu ideyanı həyata keçirmək üçün əlindən gələni edəcək.

Bu günlərdə Yuliya Navalnaya Münhen Təhlükəsizlik Konfransında çıxış edib. O, çıxışı zamanı dünya ictimaiyyətini Kreml rejimini məhv etmək üçün birləşməyə çağırıb. Müxalifətçinin dul arvadı Vladimir Putinin ərinin ölümünə görə məsuliyyət daşımalı olduğuna əmin olduğunu bildirib. O əlavə edib ki, Kreml rəhbəri tezliklə cəzalandırılacaq.

Rusiya hakimiyyəti Navalnının rəsmi ölüm səbəbinin tromboemboliya olduğunu deyir. Lakin bu versiya siyasətçinin komandası və ailəsi tərəfindən inkar olunur. Onlar əmindirlər ki, hakimiyyət onun ölümünün əsl səbəbini gizlətməyə çalışır.