Ümumdünya Səhiyyə Təşkilatının keçmiş əməkdaşlarından təşkil olunmuş 15 nəfərlik qrup Dünya ölkələrinin epidemiyaya qarşı nə qədər hazırlıqsız olduğunu üzə çıxarıb.
Hazırlanan hesabatda 1918-1920-ci illərdə 50 milyon nəfərin ölümünə səbəb olan İspan qripi xatırladılıb.

Bildirilib ki, belə bir hadisə indiki dövrdə baş verərsə, nəticələri daha ağır olacaq. Ekspertlərin fikrincə, yeni bir virus yayılarsa, 80 milyon insan tələf olacaq.

İspaniya virusuna oxşar olan bir virus dünya iqtisadiyyatının 5% kiçilməsinə və sosial xaosa yol aça bilər.

Xatırladaq ki, bundan öncə də Nobel mükafatına layiq görülmüş 50 alim bəşəriyyətin sonuna dair öz ehtimallarını səsləndirmişdilər. Atom müharibəsi, süni intellekt, hazırda mövcud olan narkotiklərdən daha güclü maddələrin kəşfi ilə yanaşı epidemiyalar da insan övladının sonunu gətirəcək səbəblər arasında göstərilmişdi.




Paylaş: