Bu ilin aprel ayında Türkiyədə istehlak məhsullarının qiyməti və xidmət tarifləri əvvəlki ilin eyni dövrü ilə müqayisədə 69,8% bahalaşıb.

Türkiyə Statistika İdarəsi bildirir ki, bu, son 2 ildə qeydə alınan ən yüksək göstəricidir.

İnflyasiya səviyyəsi sonuncu dəfə 2022-ci ilin aprel ayında bu səviyyədə (69,9%) olub.

Ən yüksək bahalaşma təhsil xidmətlərində qeydə alınıb – 103,86%. Bundan başqa ötən ilin aprel ayı ilə müqayisdə qida və içkilər 68,5%, ev əşyaları 67,9%, restoran və otellərdə xidmətlər 95,8% bahalaşıb.

Ən az artım geyim və ayaqqabı sahəsində qeydə alınıb. Bu sahədə qiymətlər son bir ildə 51,2% artıb.

Onu da bildirək ki, hazırda Türkiyə dünyada inflyasiya səviyyəsinin ən yüksək olduğu 4-cü ölkə hesab olunur. İlk üçlükdə Argentina, Suriya və Livan yer alır.