Xidmət rəisi rəhbəri olduğu qurumu Eldar Mahmudovun kadrları ilə doldurur

Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) rəisi Mürsəl İbrahimovun bu quruma rəhbər təyin edilməsindən sonra adıçəkilən qurumda ciddi dəyişikliklərin baş verəcəyinə böyük ümidlər var idi. Çağırış sistemindəki bəzi neqatov halların ortadan qaldırılması, üçüncü, dördüncü dərəcəli olsa da komissarlıqlardakı bəzi şxəslərin məsuliyyəti cəlb edilməsi bu ümidləri artırrıdı. Lakin təəssüflər olsun ki, Mürsəl İbrahimov çox keçmədi ki, ona olan ümidlərin əbəs olduğunu sübut etdi. Xidmət rəisi qısa zaman ərzində SHXÇDX-ni Eldar Mahmudov dönəmində MTN-də çalşan, ictimai rəydə mənfi imicə malik şəxsləri mütəxəssis adı ilə rəhbəri olduğu quruma cəlb etməyə başladı. Öncə Eldar Mahmudovun pulyığanı kimi tanınan Tehran Babatov SHXÇDX-nə gətirildi. Adıçəkilən şəxs hazırda bu qurumun kadr siyasətinə cavabdeh şəxs sayılır və geniş səlahiyyətə malikdir.

TEREF -in redaksiyasına göndərilən məqalədə müəllif Anar Tağıyev yuxarıdakı faktları qeyd edib. Müəllif daha sonra fikrini davam etdirərək yazır:

MTN-nin daha bir zabiti İlham Quliyev də məhz Mürsəl İbrahimov tərəfindən SHXÇDX-də yüksək vəzifəyə gətirildi.

Bir müddət bundan öncə Mürsəl İbrahiimov Eldar Mahmudov dönəmində MTN-də çalışan daha bir neşə şəxsi SHXÇDX-ya gətirərək onlara şöbə rəisi, şöbə rəisinin müavini və digər vəzifələr verilib. Belə görünür ki, Mürsəl İbrahimov SHXÇDX-ni “mini MTN”-ə çevirməkdədir.

Gələn dəfə Mürsəl İbrahimov tərəfindən SHXÇDX-ə gətirilən digər MTN zabitləri, onların daşıdığı vəzifələr və s. haqqında ətraflı məlumat verəcəyik.