"Tutulub, təhvil verildi. Bu da belə! Mənəviyyatı dayaz olanın vicdanının cəzası olmur. Onların cəzası tanrıları olan maddiyyatdır".

Bu barədə Flora Kərimova sosial şəbəkədə hesabında yazıb.

Xalq artisti müğənni Afət Fərmanqızının iyunun 3-də hakim qarşısına çıxacağını bildirib.

O, cavabdehin hava limanında saxlanılması ilə bağlı protokolu paylaşıb:

"Tutulub, təhvil verildi. Bu da belə! Mənəviyyatı dayaz olanın vicdanının cəzası olmur. Onların cəzası tanrıları olan maddiyyatdır.

Afət, təkziblərin nə qanunlardan, nə də polis və məhkəmə sənədlərindən üstündür. İyunun 3-ü saat 16:30-da gələrsən Binəqədi Rayon Məhkəməsinə və hakim qarşısında izahat verərsən. Çəkisini bilmədiyin sözü ağzından çıxanda düşünməli idin, nə deyirsən və kimə deyirsən. İndidən belə Ali Məhkəmə sədrinə müraciət etməyib, nazirliyin qapısında yatsan da, xeyri olmayacaq.

Əxlaqın qədəri ilə törətdiyin cinayətin prosessual qaydalarından səni heç kim xilas edə bilməyəcək. Gələcəyini düşünürsənsə, toylarını oxu, başını dolandır. Sual olunsa belə, mənim adımı ağlından keçirmə. Və bir də kiçiklərini "Instagram"da, "TikTok"da qapına bağla, sənin əl-ayağına dolaşmasınlar. Qanunla hər kəlimənin hesabını məhkəmə qarşısında verəcəksən. Layiq olmadığın mərhəməti isə məndən gözləmə".

Xatırladaq ki, Afət Fərmanqızı mayın 27-də Moskvadan Bakıya qayıdarkən hava limanında saxlanılmışdı. Müğənni ölkədə olmadığı üçün barəsindəki cinayət işi üzrə məhkəmə prosesi yarımçıq saxlanılmışdı.