“Aİ-nin monitorinq missiyası Ermənistan ərazisində Rusiya, Azərbaycan və İrana qarşı kəşfiyyat məlumatı toplayır”.

Bunu Rusiya xarici işlər nazirinin müavini Mixail Qaluzin deyib.

Onun sözlərinə görə, İrəvanın Aİ missiyasına güvənməsi hadisələrin inkişafına böyüktəsir edib, lakin riskləri azaltmaq olardı:

“2022-ci ildə İrəvan Azərbaycanla sərhəddə vəziyyəti sabitləşdirmək üçün KTMT vasitəsilə tədbirlər kompleksinin həyata keçirilməsi təklifi ilə razılaşsaydı, Ermənistanın bu gün üzləşdiyi risklərin bir çoxunu qabaqlamaq mümkün olardı.

Əfsus ki, Ermənistan rəhbərliyi heç bir halda dövlətin sərhədlərini qorumayan, Azərbaycan, İran və Rusiyaya qarşı kəşfiyyat məlumatlarının toplanması ilə məşğul olan Aİ missiyasını dəvət etməyi üstün tutdu”.