Göyçayın Məlikkənd kəndində 62 yaşlı qadın sirkə turşusundan zəhərlənərək ölüb.

RegionXəbərləricom.az-ın məlumatına görə, hadisə ötən gün gecə saatlarında Göyçay rayonunun Məlikkənd kəndində evdə baş verib.

1962-cı il təvəllüdlü Qasımova Dilbər Xasməmməd qızı sirkə turşusu qəbul edib. Dilbər Qasımova zəhərlənmə diaqnozu ilə xəstəxanaya yerləşdirilib. Onun bir neçə gün xəstəxanada müalicə almasına baxmayaraq həyatını xilas etmək mümkün olmayıb.

Qadının intihar həddinə çatdırıldığı üçün sirkə turşusu içdiyi bildiririlir. (İntihar həddinə çatdırılma barədə məlumatımız olsada prokurorluqda aparılan araşdırmanın nəticəsini gözləyirik)

Faktla bağlı Göyçay rayon prokurorluğunda araşdırma aparılır.

Qeyd edək ki, initah edən qadın Göyçay İdarəetmə və Texnologiya Kollecinin müəllimi Təhməz Qasımovun bacısıdır.

Fuad Hüseynov RegionXəbərləricom.az