Son bir ildir ki, Laçnda, eləcə də Zabuxda inşa edilən evlərin keyfiyyətsizliyi ilə bağlı ölkə mediasında, sosial şəbəkələrdə çoxlu məlumatlar yayılmaqdadır. Yayılan video görüntülərdən də görünür ki, tikilən evlərin bir qismi həqiqətən də çox keyfiyyəsizdir və öz-özünə uçub tökülür. Tikililərin keyfiyyətsiz olmasına səbəb isə tikinti işinə ayrılan vəsaitlərin mənimsənilməsidir. Buna görə isə məsuliyyət heç şübhəsiz əlaqədar qurum və şəxslərin üzərinə düşür. Laçında aparılan tikinti işlərinə görə məsuliyyət daşıyan şəxslərdən biri, bəlkə də birincisi “Bakı Abadlıq Xidməti” MMC-nin direktor müavini, “Laçın Abadlıq Xidməti”nin rəhbəri Nəsimi Əsədovdur.

Bir neçə ildir ki, “Bakı Abadlıq Xidməti” MMC-nin direktor müavini işləyən Nəsimi Əsədov, Laçında tikinti işləri başlayandan sonra şəxsi büdcəsini sürətlə genişləndirməyə, sahib olduğu daşınmaz əmlakların sayını artırmağa başlayıb. “Laçın Abadalıq Xidməti”nin rəhbəri kimi bütün tikinti prosesinə rəhbərlik edən bu şəxs, özünə “Lexus” markalı bahalı avtomobil alıb, Ceyranbatan qəsəbəsində qoşa villa inşa edib. Hər biri bir milyon manat dəyərində oıan villaların həyətində nəhəng hovuzlar, böyük meyvə bağları mövcuddur.

Bunu redaksiyamıza məktubla müraciət edən Nazim Əliyev yazır. Müəllif daha sonra faktlara müraciət edərək yazır:

Laçınlıların doğma yurda köç etdiyi bir vaxtda Nəsimi Əsədov öz ailəsini Bakı həyatından ayırmır. Belə ki, onun övladları Bakıda rus sektorunda təhsil almaqda, xüsusi sürücü və baxıcıların qulluğundan faydalanmaqdadır.

Bundan başqa, Nəsimi Əsədov bütün yaxın qohumlarını ətrafına yığaraq onları Laçında mühüm vəzifələrə, önəmli postlara təyin etdirib. Sürücüsündən tutmuş köməkçilərinə, rayon idarə rəhbərlərinə qədər bütün şəxslər Nəsimi Əsədovun qohumlarından ibarətdir.

Sinif yoldaşları da Nəsimi Əsədovun səxavətindən yararlanan şəxslər siyahısındadır. Onların da bir çoxu məhz Nəsimi Əsədovun dəstəyi ilə müxtəlif vəzifələrə təyinat alıb. Nəsimi Əsədovun orta təhsilli, vaxtiylə Sumqayıtda dəllək şləyən qardaşı Rauf Əsədov isə Laçın işıq idarəsinin müdiri vəzifəsində çalışır. Bir sözlə, Laçın faktiki olaraq Nəsimi Əsədov tərəfindən özəlləşdirilib.

Ümid edirik ki, əlaqədar qurumlar Nəsimi Əsədovun fəaliyyətini (eləcə də fəaliyyətsizliyini) araşdıracaq, bu şəxsin bunca böyük sərvətə hansı yolla sahibləndiyinə, adi dəllək işləyən diplomsuz qardaşını müdir vəzifəsinə necə ytəyin etdirdiyinə aydınlıq gətirəcək.

Redaksiyadan: Nəsimi bəyə zəng etsəkdə cavab verən olmadı.

Qarşı tərəfində mövqeyini dərc etməyə hazırıq!