Nazirlər Kabineti sentyabrın 16-da "Qiymətləri (tarifləri) dövlət tərəfindən tənzimlənən malların (işlərin, xidmətlərin) Siyahısı"nda dəyişiklik edib. Dəyişiklik maye qazla bağlıdır. Belə ki, maye qazın topdansatış qiyməti dövlət tərəfindən tənzimlənən malların siyahısından çıxarılıb.
Bəs bu qərar qiymət artımına təsir edə bilərmi?

Mövzu ilə əlaqədar “Yeni Sabah”a açıqlama verən iqtisadçı ekspert Samir Əliyev qiymət artımının olmayacağını proqnozlaşdırır:

“Burda söhbət avtomobillərin istifadə etdiyi qazdan gedir. Son vaxtlar maye qazla işləyən maşınların sayında artım müşahidə edilir. Mən düşünmürəm ki, bu qərar qiymətlərə təsir etsin. Amma artım olsa, çox güman ki, sürücülər yenidən benzinlə işləyən maşınlara keçmək istəyəcəklər".


Paylaş: