Bu gün bütün planet sakinləri heyrətamiz astronomik hadisənin şahidi olacaqlar - Yer Günəşə ən yaxın məsafəyə gələcək.

Bu barədə Moskva Planetariumunun (Rusiya) saytında xəbər verilib.

Bildirilir ki, bu nadir hadisə sayəsində insanlar bu ilin ən böyük Günəş diskini müşahidə edə biləcəklər.

"Yanvarın 4-də Yer perihelidə - Günəşə ən yaxın məsafədədir, bu da bizə 2025-ci ildə ən böyük Günəş diskini müşahidə etməyə imkan verəcək", - deyə məlumatda vurğulanıb.

Qeyd edək ki, periheli ildə bir dəfə baş verir. Həmin vaxt iki səma cisminin mərkəzləri arasındakı məsafə təxminən 147 milyon kilometr təşkil edir ki, bu da ümumi məsafədən 2,5 milyon kilometr azdır.

Planetimizin elliptik orbiti səbəbindən bu məsafə il ərzində daim dəyişir.

Yeri gəlmişkən, yanvar ayının astronomik hadisələri bununla bitmir. Yanvarın 16-da Marsın qarşıdurması baş verəcək. Həmin vaxt "qırmızı planet" Yerdən minimal məsafədə olacaq, beləliklə planet sakinləri onu adi gözlə görə biləcəklər.