Azərbaycan Qida Təhlükəsizliyi Agentliyinin (AQTA) Lənkəranda bölmə rəhbərinin işdən azad olunmasının səbəbi üzə çıxıb.

regionxeberlericom.az bildirir ki, bu barədə Reportyor.info-nun əldə etdiyi xəbərə görə, qurumun Lənkəran regional bölməsinin rəisi Bağırov Əlimuxtar Balağa oğlunun, Bitki sağlamlığı və fitosanitar nəzarəti sektorunun böyük məsləhətçisi İsmayılov Habil Əli oğlunun işi Baş Prokurorluq yanında Korrupsiyaya qarşı Baş Mübarizə İdarəsində araşdırılır. Ə.Bağırovun korrupsiya ilə tutulduğu deyilir.

Amma məsələ qurumun rəhbəri Qoşqar Təhməzli tərəfindən gizlədilir. Agentliyin mətbuat xidmətinin yaydığı məlumatda deyilir ki, adları qeyd olunan qurum əməkdaşları səmərəli fəaliyyət və sahibkarlıq subyektləri ilə münasibətdə şəffaf iş prinsiplərinə əməl etməyiblər, Q.Təhməzlinin müvafiq əmri ilə tutduqları vəzifələrdən azad ediliblər.

Bu faktlar da özlüyündə bir daha AQTA-nın fəaliyyəti ilə bağlı gerçəklikləri üzə çıxarmışdı. Zaman-zaman ittihamlar səslənir ki, qurumun əməkdaşları özlərini sahibkarlıq subyektlərində “MTN bandası” kimi aparırlar.

Agentlik 12 İyul 2019-cu il tarixində “Medeks” MMC ilə müqavilə imzalayıb. Müqavilənin məbləği 43 min 208 manatdır.

Həmçinin iyulun 7-də Azərbaycan Qida Təhlükəsizliyi İnstitutu laboratoriyaları üçün ləvazimatların satın alınması üçün “Medeks” MMC ilə 599 min 749 manatlıq başqa müqavilə də imzalayıb.

Qoşqar Təhməzli 2008 – 2016- cı illərdə “Medeks” MMC-də baş direktor vəzifələrində çalışıb, indi də şirkətin Qoşqar Təhməzliyə məxsus olduğu bilinir.

Yəni adam dövlətin təsis etdiyi Agentliyin rəhbəri kimi dövlətin büdcəsindən ayrılan pulla öz şirkətindən avadanlıq alır. Bunun adı korrupsiya, etik qaydaların pozulması, maraqlar konflikti deyil də, bəs nədir?


Paylaş: