Bu ilin yanvar-oktyabr aylarında Şəki rayonunda dövlət qurumları tərəfindən ümumi məbləği 15 milyon 422 min 525 manat olan 63 tender keçirilib.

regionxeberlericom.az-un FED.az-a istinadən məlumatına görə, ən çox tender keçirən Şəki şəhər İcra Hakimiyyəti olub. İcra Hakimiyyəti ümumi məbləği 7 milyon 93 min 271 manatlıq 21 tender müqaviləsi bağlayıb.

Bağladığı tenderlərin ümumi məbləği ən çox olan dövlət qurumu Şəki rayon Mərkəzi Xəstəxanasıdır. Xəstxananın tenderlərinin ümumi məbləği 7 milyon 329 min 448 manat olub.

Bundan başqa rayonda Mədəniyyət Nazirliyinin Şəki Regional Mədəniyyət İdarəsi, Şəki Suvarma Sistemləri İdarəsi və başqa qurumlar da satınalmalar həyata keçirib.

Tenderi qazananlar arasında həm hüquqi şəxslər, həm də fiziki şəxslər, yerli sahibkarlar var.











Paylaş: