Xəbər verdiyimiz kimi, Sabirabad rayon sakininin üzərində narkotik maddə aşkarlanıb.

Belə ki, rayon sakini Fariz İxtiyar oğlu Ağayev polis əməkdaşları tərəfindən keçirilən əməliyyat-axtarış tədbiri zamanı saxlanılıb və onun üzərinə baxış keçirilən zaman narkotik maddə aşkarlanıb.

Bununla bağlı BakuPost.az-a açıqlama verən Sabirabad rayonun Qaratəpə bələdiyyəsinin sədri Fatma Hüseynova bildirib ki, Fariz Ağayev dünən axşam tutulub:

“Onun üzərində 150 qram marixuana aşkarlanıb və həbs edilib”.

Qeyd edək ki, saxlanılan şəxs Yeni Azərbaycan Partiyasının (YAP) Sabirabad rayon təşkilatının sədri Məleykə Ağayevanın oğludur.

F.Ağayev dekabrın 23-də keçiriləcək bələdiyyə seçkilərində Sabirabad rayonun Qaratəpə kəndi üzrə bələdiyyə sədrliyinə namizəddir.

Xatırladaq ki, bu barədə məlumatı ilk “Report” yayıb.


Paylaş: