Tanınmış jurnalist Günay Arda ölkə Prezidentinə və Vitse-prezident, birinci xanım Mehriban Əliyevaya müraciət edib.

Oxu24.com jurnalistin müraciətini təqdim edir:

Azərbaycan Respublikasının Prezidenti Cənab İlham Əliyevə

Vitse-prezident, birinci xanım Mehriban Əliyevaya

Dəfələrlə Sizə ünvanladığım məktublar ya Sumqayıt Şəhər icra Hakimiyyətinə, ya da Yasamal Rayon icra Hakimiyyətinə göndərilir. Hər dəfə də məktublarım cavabsız və nəticəsiz qalır. Bəhanə olaraq anamın və qardaşımın yaşadığı, mənim isə 14 ildən artıq müddətdə faktiki olaraq heç bir aidiyyatım olmayan evin adı çəkilir.

Qeyd edim ki, iki azyaşlı övladım var. 15 ilə yaxındır ki, KİV-də dövlətimə və xalqıma xidmət etmişəm. Bunun qarşılığında hər hansı təmənna və ya mükafat gözləməmişəm.

Lakin mənim mənzil təminatımın olmaması birbaşa həm əmək fəaliyyətimə, həm də övladlarımı böyütməyimə mane olur.

Yazdığım məktublardan və vurduğum teleqramlardan xəbərsizsiniz. Əminəm ki, Siz şəhid övladı, jurnalist və nəhayət Azərbaycan vətəndaşının müraciətlərini cavabsız qoymazsınız.


Paylaş: