“Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanovla bağlı DİA.AZ daha bir ilginc məlumatı əldə edib. Belə ki, mötəbər qaynaqdan redaksiyamıza ötürülən informasiyaya görə, QSC sədri hələ xeyli əvvəlindən, yəni keçmiş baş nazir Artur Rəsizadənin gedişi dönəmində baş nazirlik postuna iddialı kimi çıxış etsə də, onun arzuları ürəyində qalıb.

Bu barədə danışan mənbə dia.az-a bildirir: "Cavid Qurbanov iki dəfə baş nazirlik postuna iddiaları ilə bağlı rədd cavabı aldı ki, bunların da heç biri təsadüfi deyil. Hər halda, onun yeniləşən siyasətdə əsl yeri istənilən bir kəsə yaxşı bəlli olduğundan ilk başdan QSC sədrinin baş nazir ola bilməyəcəyini rahatlıqla qeyd etmək olardı. Çünki zamanında Ümummilli lider, mərhum prezidentimiz Heydər Əliyev tərəfindən vəzifəsindən qovulan Cavid Qurbanovun əsl kimliyi "yuxarılara" daha dəqiq məlumdur".

Mənbə onu da bildirir ki, hazırda da Cavid Qurbanov rəhbəri olduğu “Azərbaycan Dəmir Yolları” Qapalı Səhmdar Cəmiyyətini peşəkarlıqdan uzaq bir formada, az qala bir KƏND AĞSAQQALI kimi idarə etməkdədir: "Təsəvvür edin, regionçuluq kimi mərəzdən az qala bütün dairələrin xilas olunduğu bir məqamda Cavid Qurbanov özünü bir kənd ağsaqqalı kimi apararaq, bütün işlərini yalnız öz bölgəsindən olanlara etibar edir, onları görəvə gətirir, onlara pul qazandırır ki, bütün bunlar da əslində onun mahiyyətinin təzahürüdür. Belə olan təqdirdə Cavid Qurbanovun baş. nazir kimi mühüm dövlət postuna təyinatı təbii ki, mümkün olmayacaqdı. Baş nazir kimi postda kənd ağsaqqalı təfəkkürlü birisinin oturdulması dövlətçilik baxımından da doğru hesab oluna bilməz".


Paylaş: