11 aprel növbədənkənar prezident seçkilərindən bir il ötür. Aprel ayı nazirlər kabinetinin bir çox üzvünün fəaliyyətinin ildönümüdür. Kimi nazirlər və komitə rəhbərləri Prezident İlham Əliyevin müəyyən etdiyi siyasi kursa uyğun olaraq xalqın xidmətçisi oldu və xalqın nəzərində müsbət məmur obrazı formalaşdırmağa müvəssəl oldu. Kimi məmurlar isə qısa müddətdə öz reputasiyasını korladı.

Son bir il ərzində internet xəbər portallarında və sosial şəbəkələrdə ən çox fəaliyyəti tənqid olunan Əmək və Əhalinin Sosial Müdafiəsi naziri Sahil Babayevdir. O, müasir çağırışlara cavab verən struktur və funksional islahatlar aparmaq əvəzinə analoq konsepsiyalarla korrupsiyanın təsirinə düşdü və öz məcrasından çıxan çay kimi selə-daşqına döndü. O, bununla hakimiyyətin və xalqın ona olan ümidləri darmadağın etdi. Sahil Babayev xalqın xidmətçisi olmaq əvəzinə öz nəfsinin əsiri oldu. Qısa müddətdə hakimiyyətin və xalqın ümidləri ilə yanaşı həm də öz reputasiyasını sıradan çıxartdı. Onun bir tərəfinin qonşu xalqdan olması xalqın vicdanını daha da sızladır. İctimai narazılığa səbəb olan hallardan biri də onun xalqa qarşı nəzakətsiz rəfdarıdı. O, Qarabağ qaziləri və şəhid ailələri ilə heç də milli və mənəvi dəyərləri olan azərbaycanlı kimi rəftar etmir. Sahil Babayevin bir tərəfinin düşmən xalqdan olması bu cür rəftarın birmənalı qarşılanmamasına əsas verir. Ancaq Qarabağ qazilərinin və şəhid ailələrinin erməni xislətli məmurların qarşısında göz yaşı tökməyə, ağlamağa, sızlamağa, yalvarmağa və ondan asılı yaşamağa məcbur edilməsi dözülməzdir. Əmək və Əhalinin Sosial Müdafiəsi naziri Sahil Babayevin və yarıtmaz komandasının özbaşınalıqları, yekəxanalıqları, qanunsuz əməlləri ölkə ictimaiyyətini artıq təngə gətirib. Lakin, himayədarları onu israrla müdafiə etməyə davam edir. Əmək və Əhalinin Sosial Müdafiəsi Nazirliyində tüğyan edən özbaşınalıqların sayı-hesabı yoxdur. Ancaq, nazir Sahil Babayev israrla iddia edir ki, o tutduğu vəzifəyə təyinat aldıqdan sonra ölkədə əhali yağ-bal içində üzür. Şəhid ailələri, Qarabağ qaziləri və digər dövlət qayğısına ehtiyacı olan aztəminatlı vətəndaşlar öz dərdlərini dilə gətirməklə onu monipuliyasiya edir.

"KOR ATIN KOR DA NALBƏNDİ OLAR”

Sahil Babayevin özü və nazirliyə topladığı dostları haqqında ilginc məlumatlar və faktlar ölkə mətbuatının gündəmindən düşmür. Mövcud vəziyyəti bir atalar sözü ilə ifadə etsək "Kor atın kor da nalbəndi olar” deyimi yerində olar. Vüsal Nəsirli, Anar Əliyev, Anar Kərimov, Hidayət Abdullayev, Fazil Talıbov, Fuad Musayev, Elman Cəfərov, Heybət İmanov, Nərmin Bayramov, Niyazi Rəhimov, Samir Vəliyev nazir Sahil Babayevin xalqa qənim kəsilən DOST qvardiyasının zabit heyətidir. Bu kadrların heç biri Əmək və Əhalinin Sosial Müdafiəsi Nazirliyinə təyin olunana qədər kariyeralarında hər hansı bir uğur qazana bilməyiblər. Bu kadrların kirli və sirli keçmişləri bu gündə yaxalarını buraxmır. Bu cür ləkəli və qeyri-peşəkar dost qvardiyasından şəffaflıq zəfəri gözləmək sadəlövlük olar. Onun əsas adamlarından biri haqqında redaksiyamıza daxil olan məlumatın həssaslığını nəzərə alaraq ictimailəşdiririk. Hər kəsə məlumdur ki, ölkədə əhali heç də, nazirin iddia etdiyi kimi yağ və bal içində yaşamır. Bu maddi çətinliklər əhalini əlilliyə görə pensiya almaq və ünvanlı dövlət sosial yardımı təyin etdirmək üçün rüşvət yolu ilə məmurlarla sövdələşmələrə vadar edir. Sabiq Əmək və Əhalinin Sosial Müdafiəsi naziri Fizuli Ələkbərovun komandasında kilid adamlardan biri olan Heybət İmanov digər sabiqlərdən olan Səlim Müslümov tərəfindən korrupsiya və rüşvətxorluğa görə ittiham olunaraq işdən çıxarılmışdı. Elə həmin müddətdə Heybət İmanovun saxta əlillik dərəcəsi alaraq özünə pensiya təyin etdirdiyi iddia olunur. Nazirliyin korrupsiya və rüşvətxorluqla mübarizə aparan Daxili nəzarət və audit şöbəsinin müdiri Heybət İmanovun korrupsioner olduğunu hər kəs bilir. Ancaq onun saxtakar olması və uzun illər bu "istedadını” gizlədərək məsul vəzifələrdə çalışması hər kəsi təəccübləndirir. Redaksiyamıza nazirlikdəki mənbədən ötürülən məlumatda bildirilir ki, Sahil Babayevin və onun nazirliyə topladığı dostlarının özbaşınalıqlarının ardı-arası kəsilmir. Bu barədə Prezident Administrasiyasına faktlar göndərildiyi və bu faklar qarşısında nazir Sahil Babayevin çıxılmaz vəziyyətdə qaldığı bildirilir. Lakin, o ölkənin birinci ailəsinin kölgəsində gizlənərək özünü qorumağa çalışır. Sahil Babayevin təqdimatını verənlər və onu himayə edənlər bilməlidir ki, onun bu cür qanunsuz əməllərinə dəstək verməklə ölkə başçısına, ölkənin birinci ailəsinə və bütünlüklə azərbaycan xalqına xəyanət edirlər.

SAHİL BABAYEVİN HEYBƏTLİ ADAMININ İMANSIZ ƏMƏLLƏRİ!

Nazirin əsas adamlarından biri olan Heybət İmanovun əmək fəaliyyəti və elmi yaradıcılığı əhalinin sosial müdafiəsi ilə əlaqəli olub. Azərbaycanda ünvanlı sosial yardım sisteminin təhlili və modelləşdirilməsi üzrə dissertasiya işinin müəllifi olan Heybət İmanov iqtisadiyyat üzrə fəlsəfə doktorudur. Həm Əmək və Əhalinin Sosial Müdafiəsi Nazirliyində, həm də Azərbaycan Respublikasının Hesablama Palatasında bu istiqamət üzrə çalışıb. Onun həm də bu sahədə korrupsiyanın dərinləşməsində böyük xidmətləri var. Lakin, özünü şəffaflıq carçısı elan edən Sahil Babayev Heybətli kadrının İmansız əməllərini görəsən nə cür izah edəcək? Nazirliyin Daxili Nəzarət və Audit şöbəsinin müdiri Heybət İmanov uzun illər əvvəl saxta əlillik dərəcəsi alaraq özünə pensiya təyin etdirib. Əqli çatışmazlığa görə əlillik dərəcəsi alan Heybət İmanov özünü sözün əsl mənasında qoyub dəliliyə. Bu məqamda maraqlı suallar yaranır. Biz adı çəkilən aidiyyatı qurumlardan aşağıdakı suallarımıza cavab tələb edirik.

1. Əqli cəhətdən əlillik dərəcəsi olan Heybət İmanov iqtisadiyyat üzrə fəlsəfə doktoru elmi dərəcəsini necə alıb?

2. Əqli qüsuru olan şəxsin Hesablama Palatasında fəaliyyəti və burada müvafiq inizibati qərarlar qəbul etməsinin hüquqi əsası varmı?

3. Bu cür sağlamlıq imkanı məhdud şəxsin Əmək və Əhalinin Sosial Müdafiəsi Nazirliyində çalışması qanuna uyğundurmu?

Hesab edirik ki, mövcud qanunvericiliyə görə Heybət İmanovun əlillik dərəcəsi onun məsul vəzifələrdə çalışmasını, elmi-pedoqoji fəaliyyətini və qəbul etdiyi qərarların hüquqi qüvvəsini qadağan edir. Buna görə də, Heybət İmanovun elmi dərəcəsi, əlillik dərəcəsi və pensiyası dərhal ləğv olunmalıdır. Eyni zamanda Həm Hesablama Platasında, həm də Azərbaycan Respublikasının Əmək və Əhalinin Sosial Müdafiəsi Nazirliyində qəbul etdiyi qərarlar, onun təqdimatı ilə qəbul edilən qərarlar ləğv olunmalı və zərərçəkmiş şəxslərin hüquqları təmin olunmalıdır. Həmçinin müvafiq dövlət orqanları tərəfindən işin halları araşdırılmalı və təqsirkar şəxslər barəsində müvafiq məsuliyyət tədbirləri görülməlidir.
Mənbə elchi.az


Paylaş: