Sankt-Peterburqda yaşayan azərbaycanlı iş adamları arasında qalmaqal yaşanır. Məsələnin marağımızı çəkməsi isə tərəflərin diaspora rəhbərləri olmasıdır.

Belə ki, Gununsesi.org–a daxil olan bilgilərə görə, 25 ilin dostları, həm quda olan həm də Sankt-Peterburq Azərbaycanlılarının milli mədəni muxtariyyatının rəhbərləri olan Vaqif Məmişov və Əli Salmanov arasında ölüm-dirim savaşı başlanıb.

Hadisə belə cərəyan edib. Rusiyada adı rəsmən milyarderlər siyahısında olan Vaqif Məmişovun bu dəfəki qurbanı, öz qudası, 25 illik ailəvi dostu olub. Məmişov son 10 ildə hər axşam dostları ilə yığışdığı, Əli Salmanova məxsus “Şuşa” restoranınını ələ keçirmək üçün məkrli plan qurub. Qumarın müxtəlif növlərinin həvəskarı olan Məmişov öz dostları ilə Əli Salmanov üçün “qumar tələsi” hazırlayıb.
Bu işdə Məmişova Astaralı Əlihüseyn Həmzəyev, Ağcabədili Cəbrayıl, Şamaxılı Aqil Qasımov və digərləri də kömək ediblər. Yüz min dollarların oynadığı qumar masası təbii ki Əli Salmanovun cibinə uyğun olmur. Lakin “dostlar”ın israrı ilə, və Məmişovun dollar dolu çamadanı açıb Salmanovun qabağına qoymağı ilə oyun başlayır. Salmanov düşünür ki, yəqin uduzsa həm qudası, həm də 25 illik ailəvi dostu, ona uduzan pulları bağışlayacaq. Ancaq əslində məqsəd Salmanovu borca salmaq və dəyəri 100 milyon rubl olan(1,5 milyon dollar) “Şuşanı” onun əlindən almaq olur. Və nəhayət oyun baş tutur. “Dostlar”ının tələsinə düşən Salmanov 29 milyon rubl (təqribi 450 min dollar)

Məmişova borclu qalır. Hadisədən bir il keçir haq-hesab masasına əyləşəndə “qudalar” Məmişov , Salmanovun ona 29 milyon rubl və 11 milyon faiz, ümümi 40 milyon rubl borcu olduğunu deyir. Altı ay ərzində ya 40 milyonu gətirməyi ya da “Şuşa”nı onun adına keçirməyi tələb edir. Altı aydan sonra Salmanov bangdan 40 milyon kredit götürüb “dostunun” borcunu vermək istəyəndə Məmişov yenidən razılaşmır.

Bu dəfə restoranda “sauna” tikməyini bəhanə edib Salmanovdan 60 milyon rubl tələb edir. Artıq bunun tələ olduğunu başa düşən Salmanov bu şərtlə razılaşmır. Hal-hazırda “Şuşa” restoranı bağlıdır. Əli Salmanov Məmişovun şərti ilə razılaşmasa həm Rusiyada həm də Azərbaycanda təhlükə ilə üzləşə bilər. Onlara yaxın mənbələrin məlumatına görə Məmişov 25 illik dostunu Piterdə Qubernatorla, Azərbaycana getdikdə isəhüquq-mühafizə orqanlarının rəhbərliyindəki şəxslərlə hədələyir.
Bu məsələ ilə bağlı Məmişovun hətta Ramzan Kadırovun adamlarına da müraciət etdiyi deyilir. Milyardlarla sərvəti olan, Rusiya hakimiyyəti ilə çox yaxşı münasibətləri olan birinin Azərbaycanlı sahibkarlara dayaq olmaz əvəzinə belə iyrənc tələ qurması insanlığa sığışmır.

Bu hadisəyə aydınlıq gətirmək üçün Məmişovla dəfələrlə əlaqə saxlasaq da telefona cavab verməyib.

Qeyd edək ki Əli Salmanov maddi cəhətdən olmasa da nüfuz baxımından heç də Məmişovdan geri qalmır. Onun və ya övladlarının başına bir iş gəldiyi təqdirdə Salmanovun adamlarının da qisas alacağı gözlənilir.

Rusiya mediasında Ermənilərin necə fəal olması, bu hadisənin hansı rezonans doğuracağı şübhə yaratmır.

Mövzunu davam etdirəcəyik.




Paylaş: