Ötən ay - aprelin 15-də "Meliorasiya və Su Təsərrüfatı" ASC-nin "qaynar xətti"nə şikayət edən və bir gün sonra Göygöl SSİ-də şərlənərək rayon Məhkəməsinin qərarı əsasında 5 günlük həbs edilən Hacıməlik kənd sakini, sahibkar Tağıyev Mahir Ağəli oğluna qarşı məmur qərəzçiliyinin detalları tam bəlli olub.
"Demokratik.Az"-ın əldə etdiyi məktubdan aydın olur ki, sahibkar tutulan gün ölkənin yuxarı qurumlarına şikayət məktubu yazıb və Göygöl SSİ-nin rəisi İlqar Məhərrəmovun və icra başçısı Arif Seyidovun yaxın qohumu olan digər şəxslərin "torba tikmək" məqsədlərinə, tutuklanma olayına aydınlıq gətirib.
"Demokratik.Az" vətəndaşın olay barədə aidiyyatı qurumlara şikayətini təqdim edir:
"Bildirirəm ki, mən əmək fəaliyyətinə mal-qaraya və qoyunlara baxmaqla başlamışam hal-hazırda da qoyunçuluqla məşğul oluram, Göygöl rayonun Hacıməlik qəsəbəsində qoyunların saxlanması üçün 20 ha. arpa əkmişəm. Mən kənd təsərrüfatı məsullarının istehsalı ilə məşğul oluram. Göygöl rayonun Suvarma sistemləri ilə su təminatı ilə müqavilə bağlayaraq, su ilə təmin olunmam barədə pul köçürmüşəm. Buna baxmayaraq Suvarma sistemləri idarəsi mənə su vermir məndən əlavə haqq tələb edir. Mən buna ehtiraz etdiyimə görə açıq nümayişlə sən neçəki artıq pul verməyəcəksən, su üzünə həsrət qalacağımı bildirir.
Mən dəfələrlə bu barədə Melorasiya nazirliyin 012-498-56-09 nömrəsinə zəng edərək bu haqsızlığın aradan qaldırılmasını xahiş etmişəm. Həmin nömrədən özünü Akif, Hidayət adlı şəxslər təqdim edən su veriləcəyi ilə mənə vəd veriblər. Mən hər dəfə su verilməsi üçün onlara müraciət edirəm. Bu dəfədə Akif adlı şəxs mənə bildirdi ki,get su idarəsinin rəisi İlqar Məhərrəmovun yanına o, sahənin suvarılması üçün şərait yaradacaqdır. 15.04.2020-ci il tarixdə saat 12.00 radələrində mən su idarəsinə getdim, idarənin qarşısında mənə su verməyən Rəşid Veliyevlə qarşılaşdım. Rəşid Veliyev əxlaqsız söyüşlərlə, mənə hücum etdi, o gördü ki mən onu kameraya çəkirəm, telefonu əlimdən almaq istədi buna nail olmayanda məndən əl çəkdi. Mən rəisin yanına qalxanda kolidorda mənim qarşımı 4-5 adam kəsdi, onları Natiq yönəldirdi. Onlar mənə hücum edən zaman mən şantaj edilməyi hiss etdim bu səbəbdən bu hərəkətləri mobil telefona köçürdüm. Natiq, oğlu, Emin və daha iki tanımadığım şəxslər mənə hücum etdilər məni vurdular, itələdilər mənimlə dalaşmaq üçün bayıra çıxmağımı tələb etdilər. Mən bu hadisələri mobil telefona köçürməyimə imkan verməyə cəhd etdilər, hətta nə qədər çəkirsınsı çık hüç nəyə nail olmayacağımı bildirərək qanunsuz hərəkətlərini davam etdirdilər. Mən bu hərəkətlərə görə Göygöl rayon İH-nın qəbul şöbəsinə gəldim hadisəni orada çalışan İlqar Məmmədova bildirdim. İlqar Məmmədov suvarma idarəsinin rəisi İlqar Məhərrəmova zəng edərək nə səbəbdən su verməməyi bildirdi, mənə dedi ki, get sahənin suvarılması üçün su veriləcəkdir. Mən hər il belə bir hadisə ilə qarşılaşıram 2019-cu ildə mənim 10 ha. Arpa sahəsi məhv etdilər. Onlara əlavə pul vermədiyim üçün mənə zərər vurdular. Hazırda da əkdiyim 20 ha arpa 8 ha taxıl sahəsi su verilmədiyi üçün məhv olmaqdadır.
Xahiş edirəm məni söyüb təhqir edən mənə güc işlədən, mənə xəsarət yetirən Natiqə onun oğlu, Emin, Rəşid Veliyevə daha üzdən tanıdığım şəxsləri məsuliyyətə cəlb edəsiniz, məni məhkəmə tibb ekspertizasına göndəriş verəsiniz. Eyni vaxtda əkdiyim 20 ha arpa 8 ha taxıl sahəsinə zərərin müəyyən olunması üçün mütəxəssis cəlb edəsiniz, mənə qəsdən vurulmuş zərəri müəyyən edərək qanuna müvafiq tədbir görəsiniz".
"Demokratik.Az" xatırladır ki, olaya və sahibkarın həbsinə səbəb rayon ərazisində fəaliyyət göstərən "SU BİRLİYİ" ilə də əlaqədardır. Hazırda Arif Seyidovun yaxın qohumu Rəşid Veliyev tərəfindən idarə olunan qondarma "su birliyi"nin əsası illər əvvəl məhz Mahir Tağıyev tərəfindən qoyulub. İş adamı rəsmi sənədlərlə əslində hələ də yerli suvarma birliyinin sədridir. Mövcud nizamnamə, digər sənədləşmə və əsl möhür də şikayətçidədir. Nə Arif Seyidov, nə də ona vassallıq edən SSİ rəisi İlqar Məhərrəmov sahibkara təyziqlər etməklə haqqı olanları əlindən ala bilmir. Göründüyü kimi, icra başçısı və Rəşid adlı qohumu Göygöl SSİ-nin rəisi ilə əlbir olaraq Mahir Tağıyevi sıxışdırır, hər vəchlə "əlindəkilərə" sahib olmaq istəyirlər. Bu məqsədlə ona uzun müddətdir ki, su vermir, hətta əsassız yerə həbs etdirirlər.
"Demokratik.Az"-ın əldə etdiyi özəl bilgiyə görə, rayon ərazisində fəaliyyət göstərən və hazırda icra başçısı Arif Seyidovun inhisarına keçən "Su Birliyi"nin özbaşına fəaliyyəti sayəsində "bəzi şəxslər" ayda 20 min manatdan artıq maddi vəsaiti mənimsəyirlər.
Bu barədə daha geniş yazacağıq...
"Demokratik.Az"


Paylaş: