Paytaxtın ən iri poladəritmə istehlakçısı olan "Baku Steel Company" zavodunda bu ilin fevralından istehsal dayandırılıb.

Nəhayət uzun çəkən fasilədən sonra "Baku Steel Company” şirkətinin rəhbərliyində ciddi dəyişikliklər həyata keçirilib.

regionxeberlericom.az Gundelik-baku.com-a istinadla xəbər verir ki, indiyə kimi şirkətin qeyri-rəsmi sahibi Prezident Administrasiyasının keçmiş rəhbəri Ramiz Mehdiyev hesab olunsa da, artıq o bu zavoda nəzarəti itirib.

Saytın məlumatına görə, şirkətin idarəetməsinə Nüsrət Məmmədovun gəlişi gözlənilir.

Qeyd edək ki, o əvvəllər "Baku Steel Company"-nın rəhbərliyində təmsil olunmuşdu və həmin dövrdə zavod yüksək nəticələr əldə etmişdi.

Ekspertlərin proqnozuna görə Nüsrət Məmmədovun rəhbərliyə qayıdışı ilə zavod default vəziyyətindən çıxıb əvvəlki istehsal normasını bərpa edə biləcək.


Paylaş: