Məlum olduğu kimi dünən Prezident İlham Əliyev və birinci xanım Mehriban Əliyeva Respublikanın qərb bölgəsinə, Gəncə şəhərinə və Samux rayonuna səfər edib.Səfər çərçivəsində ölkə başçısı İlham Əliyev  Gəncə şəhərində və Samux rayonunda bir sıra obyektlərin açılışında iştirak edib. Görülmüş işlərlə tanışlıqdan sonra ölkə başçısı Gəncə şəhərində yeni məktəb binasının tikintisinə,Gəncə Dövlət Dram Teatrının yeni tikilən binasında tikinti işlərinin davam etdirilməsinə və  Gəncə şəhərində İdman Sarayının tikintisi ilə bağlı əlavə tədbirlər haqqında Sərəncam imzalayıb.
Aktualinfo.org xatırladır ki, Sərəncamla Gəncə şəhərində İdman Sarayının tikintisi işlərinin davam etdirilməsi məqsədilə Azərbaycan Respublikasının 2020-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Gəncə Şəhər İcra Hakimiyyətinə 3,0 (üç) milyon manat ayrılıb.
Bəs Prezident İlham Əliyevin sözügedən İdman Sarayının tikintisinə əlavə 3 milyon manat  vəsaitin ayırmasına ehtiyac var idimi?
 

Şəkildə gördüyünüz bu yarımçıq obyekt Gəncə şəhərində tikilməkdə olan İdman Sarayının maketidir. Gəncə şəhərinə səfəri çərçivəsində ölkə başçısı bu tikintidə də işlərin gedişatı ilə tanış olub,şəhər İcra Hakimiyyətinin başçısı Niyazi Bayramov Prezident İlham Əliyevə məlumat verib. Maraqlıdır,necə?
Qeyd edək ki,2018-ci ildən tikintisi planlalaşdırılan bu İdman Sarayına Gəncə şəhər İcra Hakimiyyəti tərəfindən iki il ərzində 9 milyon manat vəsait ayrılıb.Ayrılmış vəsaitin 4,5 milyon manatı bu ilin aprel ayında, 4 milyonu isə ötən il “Rövşən Oğuz Qrup” MMC-nin hesabına köçürülüb.Bu ilin aprel ayında ayrılmış vəsaiti qoyaq bir kənara.Ötən il ayrılmış,zirzəmisi ilə birlikdə 4 mərtəbəsi ərsəyə gəlmiş bu beton tikiliyə həqiqətənmi  4 milyon manat vəsait xərclənib? Bunu qoy mütəxəsislər hesablasın,araşdırsın.
Aktualinfo.org ötən həftə Gəncə şəhər İcra Hakimiyyəti tərəfindən tender yolu ilə ayrılmış dövlət vəsaitlərinin talan olunması barədə məqalə yaymışdı.Sözügedən məqalədə Gəncə şəhərində İdman Sarayının tikintisi işlərindən də bəhs olunurdu.Məqalənin həmin hissəsini oxucuların nəzərinə bir daha çatdırırıq.
Cəncə şəhər İcra Hakimiyyəti 09.04.2020-ci ildə “Rövşən Oğuz Qrup” MMC ilə həm də Gəncə şəhərində İdman Sarayının tikintisinin işlərinin satınalması üzrə 4600000 manat məbləğində müqavilə bağlamışdır.Sözügedən İdman Sarayının Layihə-Smeta sənədlərinin hazırlanması işlərinə isə 400000 manat vəsait ayrılmış və 30.04.2020-ci il tarixdə “Başak Proje və Dizayn”MMC ilə müqavilə bağlanmışdır.Müqavilələrdən də göründüyü kimi bütün bunlar 2020-ci ilin aprel ayında baş tutmuşdur.
Amma Gəncə Şəhər İcra Hakimiyyəti tərəfindən Gəncə şəhərində İdman Sarayının tikintisinin davam etdirilməsi (diqqət yetirin,davam etdirilməsi) üçün 14 mart 2019-cu il tarixdə “Rövşən Oğuz Qrup” MMC ilə 4000000,00 (dörd milyon ) manat məbləğində satınalma müqaviləsi bağlanılması barədə 08.04.2019-ci il tarixdə satınalmaların vahid elektron portalında bildiriş elan olunmuşdur. Artıq bu başa düşülən deyil. Çünki 2019 cu ilin aprelində tikintinin davam etdirilməsi məqsədi ilə 4 milyon manat məbləgində müqavilənin bağlanılması barədə bildiriş elanı verilir, üstündən tam bir il keçdikdən sönra sözügedən İdman Sarayının layihələndirilməsinə və tikintisinə ümumi olaraq yenidən 5 milyon manat vəsait ayrılır. Bildiriş elanında tikintinin davam etdirilməsi göstərilirsə,deməli tikinti işlərinə 2018 ci ildə başlanılmışdır.2018-ci ildə isə bu məqsədlə nə qədər vəsaitin ayrıldığı bəlli deyil. 2019-2020 ci ildə isə İdman Sarayının tikintintisinə ümumilikdə 9 milyon manat vəsaitin ayrıldığı ortaya çıxır.
Bütün bunlardan sonra isə Prezident İlham Əliyev tikintinin davam etdirilməsi məqsədi ilə yenidən 3 milyon manat vəsait ayırır.Bu Gəncə şəhər İcra Hakimiyyətinin başçısının göz görə-görə ölkə başçısına yalan məlumatlar verməsi  demək deyilmi? (aktualinfo.org)
Demokratik.Az-dan: Yazıda yer alan iddia və fikirlərlə əlaqədar Gəncə İHB-nin rəsmi mövqeyini işıqlandırmağa, Gəncə şəhərinin İdman Sarayının tikintisinə xərclənən maliyyə vəsaitlərinin miqdarının əsaslandırılmasına vəsiləı olmağa hazırıq!
Demokratik.Az


Paylaş: