Bu gün Fuad Muradov özünün Diaspora işləri üzrə Dövlət Komitəsinin sədri təyin edilməsinin bir illiyi münasibəti ilə Azərbaycan Diaspor könüllülərinin tədbirini keçirib.

Fuad Muradov hesabat xarakterli tədbirə xarici işlər naziri Elmar Məmədyarovla gənclər və idman naziri Azad Rəhimovu da dəvət edib.

Məlumata görə, Azad Rəhimov və Elmar Məmmədyarov üçün masa da qoyulub, ancaq adı çəkilən nazirlər tədbirə qatılmayıblar.

Onu da qeyd edək ki, bir müddət öncə Fuad Muradovun gənclər və idman naziri olmaq iddiasında olduğuna dair söhbətlər gəzirdi. Bu baxımdan Azad Rəhimovun gələcəyini təsdiqlədiyi tədbirə son anda qatılmaması nazirin komitə sədrinə bu səbəbə görə, “sürpirz”i sayıla bilər.

Qeyd edək ki, xaricdəki səfirliklərlə, diaspora nümayəndələri arasında gərginliyin olduğu və iki tərəf arasında gizli mübarizənin getdiyi də gələn məlumatlar arasındadır. Fuad Muradovun təşkil etdiyi tədbirə dəvətli olduğu halda Elmar Məmmədyarovrun gəlməməsi iki qurum arasında gizli savaşla bağlı deyilənlərin gerçək payını artırır.\\Yenicag.az


Paylaş: