Azad İstehlakçılar İçtimai Birliyinə (AİİB) “Kontakt Home” ilə bağlı növbəti şikayət daxil olub.

regionxeberlericom.az Cebhe.info-a istinadən xəbər verir ki, bu barədə Azad İstehlakçılar İctimai Birliyinin sədri Eyyub Hüseynov məlumat verib. O, deyib ki, Nəsimi rayonu, “20 Yanvar” küçəsi, bina 31 ünvanında yaşayan İsgəndərova Güllər Vəli qızı ərizə ilə Birliyə müraciət edib:

“25.03.2019-cu ildə “Kontakt Home”, Nəsimi rayonu, C.Məmmədquluzadə 120 A ünvanında yerləşən mağazasından kreditlə dəyəri 410 AZN olan “6.5” “Claassic SegWay holder” (“SW 30818) aparatı alıb. Amma onunla kredit müqaviləsi bağlanmayıb. Yalnız ödəniş cədvəli və zəmanət talonu verilib. İlkin olaraq 56 AZN ödəyib. Sonra aparatı evə aparıb. 28.03.2019-cu il tarixində aparatı qutusundan çıxarıb, övladına ad günü hədiyyəsi kimi təqdim edib. Aparatı çıxardarkən kitabçasında onun istifadə qaydası üçün Azərbaycan dilində heç bir şey yazılmadığını görüb. Əgər mal Azərbaycan Respublikasına gəlirsə, onun həm də Azərbaycan dilində istifadə qaydasının təlimatı olmalıdı. Aparat evdə 1,5 saatdan sonra ortasında qırmızı işıq yanıb-sönməyə başlayıb. Vətəndaş aparatın enerji ehtiyatının bitdiyini düşünüb və onu elektrik mənbəyinə qoşub. Bir sözlə aparat işləməyib. Mağazanın əlaqə nömrəsinə zəng edib və vətəndaşa bildirib ki, onlarlıq heç nə yoxdur, servisə göndərsin. Vətəndaş nə qədər bildirsə ki, aparatı onlardan alıb, nəticəsi olmayıb. 29.03.2019-cu il tarixində aparatı aldığı ünvana geri aparıb. Xahiş edib ki, qusurlu mal dəyişilsin. Amma tələbi yerinə yetirilməyib”.

Eyyub Hüseynov bildirib ki, şikayətçi xanım aldığı malı Yasamal rayonu, Şıxəli Qurbanov 19 ünvanında yerləşən “Link Servis” ə aparıb və yalnız servisin verdiyi rəy əsasında qərar qəbul edilməlidir. Beləliklə 01.04.2019-cu il tarixində malı servisə təqdim etsə də, mal hələ də oradadı. 10 gün sonra isə alıcıya cavab gəlib ki, güya aparata su düşdyü üçün platası yanıb:

“Şikayətçi xanım aparata su düşmədiyini, öz defekti olduğunu desə də, ona məhəl qoyulmayıb. Üstəlik ondan 150 AZN-də təmir üçün pul istənilib. Bu tərəfdən də aylıq ödəniş tələb olunur. Malın 1.5 saat ərzində əgər “plata”sı yanırsa, bu müştəri tərəfindən edilən səbəb ola bilməz, hələ üstəlik bir neçə bəhanə də gətiriblər. Gah deyiblər aparatın içinə su düşüb, gah da deyirlər yamaya düşüb”.


Paylaş: