Bir neçə gün öncə prezident İlham Əliyevin sədrliyi ilə Nazirlər Kabinetinin 2019-cu ilin birinci rübünün sosial-iqtisadi inkişafının yekunlarına və qarşıda duran vəzifələrə dair keçirilən müşavirədə bir çox aktul məsələlərə toxundu. Cənab prezident idarəetmə sahəsində ciddi islahatların aparılmasına ehtiyac olduğunu məmurların diqqətinə çatdırdı. Prezident İlham Əliyev həmçinin “Azəriqaz”İstehsalat Birliyinin fəaliyyətindəki nöqsanlara da toxundu və bu çıxışdan sonra ümidvarıq ki, ədalət öz yerini tapmış olacaq.
Ədalətsizliyin hələ də davam etdiyi orqanlardan biri də Dövlət Neft Şirkətinin struktur vahidinə daxıl olan, 5000-dən çox işçi qüvvəsinin çalışdığı “Neftqaztikinti” Trestidir. Orada ədalətsiz və qeyri şəffaf ab-hava uzun illərdir hökm sürməkdədir. Bu trestdə dövlət vəsaitləri müxtəlif üsullarla mənimsənilir və sənədlər saxtalaşdırılır. “Neftqaztikinti” Trestinin müdiri Mirkazım Abasov bu yaxınlarda hətta cinayət hadisəsini saxta yollarla gizlətməli olub.
Belə ki, bu ilin yanvar ayında baş vermiş yol qəzasında”Neftqaztikinti” Trestinin işçisi olmuş Mehman Cavadovun ölümunun əsil mahiyyətini saxta sənədlərlə ört-basdır ediblər.Əldə etdiyimiz məlumatlara görə Mehman Cavadov hadisə olan gün qrafik üzrə dənizdə olmalı imiş. Lakin o Mirkazım Abasovun göstərişi ilə Neft Şirkəıtində çalışan məsul vəzifəli şəxsin bağ evində bir neçə aydır ki, işləyirmiş. Mehman Cavadov hətta iş yoldaşlarına şikayətlənirmiş ki, “işə çıxsaydım, canım dincələrdi”. Hadisənin baş verdiyi gecə,yəni yanvar ayının 20-dən 21-ə keçən gecə də Mehman Cavadov “Neftqaztikinti” Trestinin iki nəfər başqa işçisi ilə birgə bağ evində işlədikdən sonra evə qayıdarkən avtomobil qəzasına düşüblər. Hadisədən dərhal sonra Mirkazım Abasovla insan resursları şöbəsinin müdiri olmuş Sevinc Mollayeva ilə trestin işçilərinin güya ezamiyyətdə olduqları barədə geri tarixə ezamiyyə vərəqəsi tərtib edərək istintaq orqanlarının fikrini yayındırmışlar. Mirkazım Abasov bununla da kasıb kəndli olan Mehman Cavadovun ailəsinə çatacaq sığorta pulunu da ödəməkdən yayınıb. Güya onlar idarənin maşımında deyil, şəxsi avtomobillərində qəzaya uğrayıblar. Ezamiyyəyə gedərkən hansı avtomobildən istifadə olunmasını qəzaya nə dəxli var. Ezamiyyəyə qatarla da, təyyarə ilə də getmək olar. Bəs onda nə bəhanə gətirmək olar? İkinci tərəfdən “Neftqaztikinti” Trestinin işçiləri Göyçaya nə üçün ezam olunmuşdular? Bəlkə Göyçayda da neft çıxır, bizim xəbərimiz yoxdu? Bu ölüm hadisəsinin qaranlıq tərəfləri mütləq araşdırılmalıdır. Mirkazım Abasovun köməkçisi Mais Bədəlovun bu işdə əli olduğu deyilir. Əldə etdiyimiz məlumatlara görə Mehman Cavadov onun Dövlət Neft Şirkətində çalışan yüksək çinli məmur qohumunun bağ evində işləyirmiş. Ölüm hadisəsi olan gecə geri tarixə ezamiyyə vərəqəsinin yazılmasında məlumatlara görə, Mais Bədəlov da iştirak edib. Göründüyü kimi bir ölüm işində bir neçə məsul şəxs birləşib saxtakarlıqlara imza atıblar. Biz bu hadisədəki qaranlıq məqamlara aydınlıq gətirməyə çalışacağıq.
Mövzuya qayıdacağıq və yazıda adları keçən şəxslərin də mövqelərini dərc etməyə hazırıq. \\bizimdovr.az\\


Paylaş: