"Son günlər Ermənistanın baş naziri Paşinyanla yanaşı Fransa, Rusiya, Almaniya və başqa ölkələrin rəsmiləri və ya KİV-ləri Azərbaycanda Türkiyə vasitəsilə Suriyadan gətirilən muzdluların və terrorçu qruplara aid şəxslərin döyüşdüyünü qeyd edirlər. Təbii ki, bu uydurmadır".
Bunu Dominant.az-a açıqlamaında Almaniyada yaşayan azərbaycanlı hüquqşünas Əlövsət Əliyev deyib.

Ə.Əliyev döyüş bölgəsində olan terrorçular haqqında gerçəkləri də oxucularımızla bölşüb:

"2012-ci ildən başlayaraq 2020-ci ilə kimi Ermənistana və birbaşa Qarabağa- Xocalı aeroportuna Livan və Suriyadan 22 000 nəfərdən çox erməni və ya yezidi kürdü adı ilə müxtəlif şəxslər gətirilib. Onların çox az hissəsi həqiqətən də müharibələrdən zərərçəkən şəxslərdir. Ermənistan onların bəzilərinin ailələrini işğal olunmuş Azərbaycan ərazilərində yerləşdirir, kişiləri isə müxtəlif cinayətkar qruplara cəlb edərək Azərbaycana qarşı döyüşlərə hazırlayıb. Bu proses ifşa olunmasın deyə, bir müdət Ermənistandan Livana humanitar yardım adı ilə göndərilən təyyarələrlə həyata keçirilirdi. Təkcə 12 avqust 2020-ci ildə Livandan 290 nəfər erməni humanitar yardım aparan təyyarələrlə Ermənistana və Xocalıya gətirilmişdi. Ermənistan rəsmi məlumatlarda isə onların 100 nəfər olduğunu bildirmişdi.

Həmin gün baş nazir Nikol Paşinyan öz "Facebook" səhifəsində belə bir paylaşım da etmişdi: "Ermənistanın səlahiyyətli qurumları Livanda evsiz qalan və vətənlərinə geri qayıtmaq istəyən soydaşları haqqında məlumat toplayır. Çıxışlarımın birində bildirmişdim ki, Ermənistana qayıdan vətəndaşlarımızın tələbatlarını operativ surətdə qiymətləndirməliyik ki, onlar vətənlərində asanlıqla yerləşə bilsinlər. Ermənistana xoş gəlmisiniz, əziz həmvətənlər. Hamınızı qəbul etməkdən məmnunuq".

Suriya və Livan ermənilərinin Ermənistana gəlməsi “Evinə dön” adı ilə təsdiq olunmuş dövlət proqramı çərçivəsində bəzən isə müharibədən zərərşəkənlər kimi, hətta beynəlxalq təşkilatların maliyyə dəstəyi ilə həyata keçirilib.
Ermənilərin və yezidi kürdlərinin Ermənistana gətirilməsi prosesinə Ermənistan hökuməti yanında Diaspor işləri üzrə komissar Zara Sinanyan başçılıq edir və Livan və Suriyadan Ermənistana gətirilən şəxslərin seçimini onun rəhbərliyi ilə həyata keçirilib. Təkcə 2020-ci ildə Xocalı aeroportundan Livana və geriyə çoxsaylı uçuşlar həyata kecirilmişdi və indi də davam edir.

Ermənistanın belə bir addımı təbii ki, Azərbaycan ordusuna qarşı Livanda kök salan erməni terror təşkilatlarının üzvlərini, xüsusilə də ASALA-da təlim keçmiş terrorçuların işğal olunmuş ərazilərə gətirilməsinə xidmət edirdi. Suriyadan və Livandan 2-ci Qarabağ döyüşlərinin başlama ərəfəsində ermənilərin birbaşa döyüş bölgəsinə gətirilməsi teror təşkilatlarının köməyi ilə müdafiə istehkamlarını möhkəmləndirmək, bəzi Azərbaycan ərazilərinə hücuma keçməyə hesablanmışdı.

Ermənistanda fəaliyyət göstərən “Suriya erməniləri ilə əlaqələndirmə mərkəzi” 2012-ci ildə yaranıb və Suriyadan köçürülmüş ermənilərə dəstək vermək, işğal olunmuş ərazilərdə yerləşdirmək adı ilə onları Qarabağda erməni silahlı qüvvələri ilə birgə təlimlərər cəlb olunmasını təmin edib.
Ermənistanın Diaspor İşləri üzrə Baş Komissarı Zara Sinanyanın məlumatına görə, təkcə 2020-ci ilin iyul-avqust aylarında Livandan Ermənistana 500-ə yaxın erməninin gətirilməsi təmin edilib.

Ermənistan rəhbərliyi terorçu təşkilatların təmsilçilərinin Qarabağda yerləşdirilməsi üçün ermənilərə havadarlıq edən Rusiya və Fransadan razılıq da alıbdır. Bu gün işğal olunmuş Azərbaycan ərazilərində keçilməsi mümkün olmayan istehkamlar məhz Livan və Suriyadan gələn erməni terrorçularının məsləhəti ilə inşa edilib və onlar tərəfindən də mühafizə olunur".

Hüquqşünas heab edir ki, Azərbaycan rəsmi qurumların bu məsələyə diqqət ayırmalı, beynəlxalq təşkilatları anti-terror əməliyyatı keçirmək üçün əsaslı sübutlar olmasına inandırmalı və Ermənistan tərəfdən terorcu təşkilatların döyüşdüyünü sübut etməlidir.


Paylaş: