Vətən müharibəsinin qəhrəmanlarından olan qazi Əliyev Amil Faiq oğlu Prezident İlham Əliyevə və I Vitse-Prezident Mehriban Əliyevaya müraciət edib.
regionxeberlericom.az Reportyor.info-a istinadən xəbər verir ki, Novxanı kəndində anadan olan A.Əliyev Ağdərə istiqamətində döyüşüb.
O, Suqovuşanın işğaldan azad edilməsində fədakarlıq nümayiş etdirib. A.Əliyev döyüşlər zamanı iki gözünü itirib.
Hazırda görmə qabiliyyətini itirmiş qazimizə kömək etmək istəyən insan var. Bu şəxs də onun qədər qəhrəman bir insandır.
1994-cu ildə Horadiz döyüşlərində yaralanan və qazi olan Şıxəliyev Saleh Yadulla oğlu bir gözünü Amil Əliyevə verməyə hazır olduğunu bildirib.

Amma bu transplantasiyanın reallaşması xarici ölkə klinikalarında mümkündür və böyük məbləğdə vəsait tələb olunur.
Bunun üçün Vətən müharibəsində iki gözünü itirən Amilə Salehin bir gözünü köçürməyı kömək etmək, xarici dövlətlərin birində əməliyyatı təşkil etmək lazımdır. Həm Əliyev, həm Şıxəliyev ölkə rəhbərliyinə müraciət edərək yardım olunmasını xahiş ediblər.



Paylaş: