Xeyli müddətdir ki, Gəncə Dövlət Universitetindəki xoşagəlməz durum barədə, ölkə mətbuatı ilə bərabər, araz.azxəbər portalında da çoxsaylı tənqidi yazılar dərc olunur. Di gəl ki, indiyədək, əlaqədar dövlət qurumlarından bu ciddi məsələyə reaksiya yoxdur. Ölkədə müharibə getdiyi bu gərgin və həssas məqamda araz.az-ın redaksiyasına daxil olan bir şikayət məktubu da, bu ali təhsil müəssisəsində baş verən daha bir iyrənclik barəsindədir və elə, mövzusunun əsasında da, xalqımıza illərdi hədsiz narahatlıq gətirən erməni məsələsi xüsusi qabardılıb. Bir sözlə, GDU-nun narazı müəllim kollektivi adından, dosent Yeganə Hüseynova tərəfindən ölkə başçısına və təhsil nazirinə də ünvanlanan və hədsiz narahatlıq ifadəsi olan bu məktubunun əvvəlindəcə bu məsələyə xüsusi toxunulub: «Bir neçə gün bundan əvvəl ölkə rəhbəri öz çıxışında Ermənistanda Sorosun adamlarının hakimiyyətdə olduğunu bildirdi. Dəhşət ondadır ki, Gəncə Dövlət Universitetində də belədir. Rəhbərinin göstərişi ilə, universitetdə «İnnovasiyalar departamenti» adlanan bir şöbə yaradılıb və bu şöbəyə rəhbərlik edənlər də, elə, Sorosa baglı olan adamlar — Vasif və Asif adlı Həsənov qardaşlarıdır.
Bu qardaşlar, dövlət əleyhinə törətdiyi bağışlanmaz cinayətə görə xeyli müddət həbsdə yatan və «Soros Həsən» ləqəbli şəxsə bağlılığı sübutunu tapan Soros-un buradakı qolunun, eləcə də Azərbaycan Xalq Cəbhəsinin ən fəal üzvlərindən biri kimi tanıdığımız sabiq rektor əvəzi Nadir İbadov tərəfindən GDU-ya transfer olunublar. Heç birinin elmi dərəcəsi belə yoxdur. Maraqlıdır ki, «Soros Həsən» cənab Prezidenti aldatmağa və bu şəxslərə «Tərəqqi» medalı verdirməyə də nail olub. Bu iki qardaş, ötən illər boyu, layihə adı altında xarici ölkələrdə universitetin pullarını havaya sovurublar. İndiyədək layihə üçün xərclənən həmin pulların, bir dəfə də olsun hesabatı aparılmayıb və bunun heç bir maliyyə sənədlərində qeydiyyatı belə olmayıb. Bir sözlə, Asif və Vasif qardaşları, hər ay, «layihə udmuşuq pərdəsi altında» hansısa bir xarici dövlətdə olurlar və həmin ölkədə Azərbaycan əleyhinə erməni dayılarına məlumatlar ötürürlər. Çünki bu qardaşlarının nənələri ermənidir.
Yeri gəlmişkən, onu da qeyd edək ki, 2019-cu ilin may ayında GDU-da keçirilən beynəlxalq konfransda, bu qardaşların rektorun xeyir-duası ilə buraya gətirdikləri milliyyətcə erməni Fransalı qonaqlar da iştirak edirdilər. Tədbirdən sonra, «İmperial» şadlıq sarayında keçirilən ziyafətdə, zala, türk iştirakçıların şərəfinə qardaş Türkiyə Cümhuriyyətinin bayrağı gətirildi. Bu zaman həmin qonaqlar, etiraz əlaməti olaraq, məclisi tərk etdilər».
Bundan sonra, müəllif öz məktubunda onu da qeyd edir ki, bu qardaşlar rektor Yusif Yusibov tərəfindən maliyyələşdirilir və müdafiə olunurlar: «Məhz buna görə də, belə bir sual meydana çıxır: «Yusif Yusibov dolayısı yolla kimin dəyirmanına su tökmək istəyir?! Axı, onun etdikləri, birbaşa, dövləti cinayət deyilmi?!.».
Maraqlıdır ki, bu qardaşların həyat yoldaşları, bacıları, xalaları və digər yaxınları belə bizim universitetdə işləyirlər. Bir sözlə, GDU, artıq, ailə universitetinə çevrilib. Universitetin dosentləri 500 — 600 manat həddində maaş aldıqları halda, bu qardaşlara rektor qeyri-qanuni olaraq 2000 manatadək maaş təyin edib.
Vasif və Asif qardaşları universitetdə rektor Yusif Yusibovun kompüterdə test imtahanları maxinasiyasına da başçılıq edirlər. İmtahan zamanı istədikləri tələbənin cavablarını düzəldir, istədiklərini isə, pul verməyəndə kəsdirirlər. Bu qardaşlardan biri, Məmməd Əmin Rəsulzadəni təhqir edən, vaxtı ilə, Elmar Vəliyevin iclaslarını təşkil edərək, necə deyərlər, ona «su süzməkdən» rahatlıq tapan deputat Naqif Həmzəyevlə yeznə-qayındır. Yusif Yusifov ona «Vaska» kimi müraciət edir. GDU-da kompyuter və proqramlaşdırma işləri onun inhisarındadır. Semestr imtahanları test üsulu ilə kompyuterlə verildiyinə görə, bu test imtahanlarını kompyuterdə o idarə edir. İmtahana pul verən tələbələrin qiymətləri Vasif Həsənovun «xüsusi məharəti» hesabına düzəlir. «Ələddinin sehirli çırağı» olduğu kimi, Vasif Həsənovun da, həmişə, əlində gəzdirdiyi «sehirli noutbuku» olur. İmtahana girən tələbə monitorun önündə düz cavabları tapıb, qaralaya bilməsə də, Vasif Həsənovun noutbukundakı «sehrli düymələr» bu «missiyanı uğurla yerinə yetirir» və o, sessiya müddətində “imtahan serveri”nə girib, bir-bir düz cavabları qaralayır. Hətta, pul almaq məqsədilə, tələbənin kompyuterdə seçdiyi dogru cavabı da, dəyişdirib, yanlış cavabla əvəz edir. Bu zaman tələbə heç nə sübut edə bilmir, kəsilir və son nəticədə, rüşvət verməyə məcbur olur. Beləcə, savadlı kadrlar yetişdirmək amacımızı, körpə fidanlarımızın universitetə, təhsilimizə, haqqa, ədalətə inamını qaralayır. Məhz «Vasif Həsənov möcüzəsi» hesabına, kompyuter vasitəsi ilə test imtahanları verib, qeyri-kafi qiymətlər alan tələbələrin qiymətləri, verdikləri pulun məbləğinə uyğun olaraq, elə, həmin gün düzəlir. Bunu, sadə üsulla yoxlamaq olar. Təlimata görə, tələbələrin cavabları bir semestr saxlanmalıdır və sübut üçün, həmin testlərin cavablarına baxmaq kifayətdir. Yaxud, ixtiyari seçilən tələbələr yenidən eyni fənn üzrə imtahan versə, əvvəlki nəticə çətin ki, alınar. Konkret desək, dediklərimizin təsdiqi üçün, başqa yollar da var…».
Məktubunun sonunda, narahat şikayətçi xüsusi olaraq onu da vurğulayır ki, tələbələrin təhsil almaq, elmə yiyələnmək arzusunu, məhz, Vasif Həsənov davamlı şəkildə məhv edir: «Erməni xislətli bu qorxulu insan, öz qardaşı ilə bərabər, rektorun onlara dəstəyinə güvənərək, GDU-da təhsilimizin, millətimizin qəsdinə duran qorxulu insanlara və Yusif Yusibovun «baltasına» çevriliblər. Dəhşət ondadır ki, universitetdə hamı onların nənələrinin erməni olduğunu bilsə də, hətta, bu qorxuya görə belə, onların xətirlərinə dəyən tapılmır.
Mənfur düşmənlərimizə çevrilən ermənilər xalqımızın balalarını şəhid etdiyi və hədsiz məsuliyyət tələb edilən belə bir vaxtda, nənəsi ermənilərin GDU-da «at oynadıb, ağalıq etmələri» qəbuledilməzdir. Bu qardaşlar hərbi xidmətə tam yararlı olsalar da, rektor, onlara, eləcə də onların digər bir yaxını olan Orxan Məmmədova və onların komandasındakı başqa şəxslərə saxta arayışlar verib, səfərbərlik vaxtında da, onları hərbi xidmətdən yayındırır…».
Şikayətçi, özünə doğma hesab etdiyi bu universitetdə xoşagəlməz təsir bağışlayan maxinasiyaların baş alıb getməsindən də, hədsiz narahatlıq keçirdiyini bildirir. Qeyd edir ki, indiki müharibə şəraitində belə, rektor, hər şeydən qazanc götürmək istəyir. Tədris binalarından asmaq üçün, bayraqlar almağa müəllimlərdən belə pul yığdırmaqdan, üstəlik, universitetin büdcəsini talan etməkdən belə çəkinmir.
Araz.az


Paylaş: