Azərbaycanda sutka ərzində COVID-19 infeksiyasına daha 118 nəfər yoluxub. Bu müddət ərzində yeni yoluxma hallarının müəyyənləşdirilməsi ilə bağlı 3 399 test aparılıb.

Bu barədə Nazirlər Kabineti yanında Operativ Qərargahdan məlumat verilib.

Maraqlıdır, yoluxma sayının azalması ilə bərabər test sayında da azalma var. Bəs test sayı niyə azalıb, test çatışmır, yoxsa başqa səbəblər var?

Məsələ ilə bağlı Cebhe.info-ya açıqlamasında TƏBİB-in ictimaiyyətlə əlaqələr və PR-marketinq şöbəsinin əməkdaşı Elnarə Baxış bildirib ki, test sayında azalma yoxdur: “Test sayı azalmayıb. Nə qədər əhali müraciət etsə, o qədər də test sayı olur”.

Qeyd edək ki, bu günədək ölkəmizdə 2 321 592 test aparılıb. Bunlardan 227 391 nəfərin testi pozitiv çıxıb.


Paylaş: