Sumqayıt şəhərində bir icra başçısı olaraq Zakir Fərəcovun ətrafına ən yaxın qohum əqrəbalarını toplaması bu gün heç kimə sirr deyil.Bu barədə kifayət qədər yazılıb və hər hansı bir əlavəyə ehtiyac belə yoxdu. Bütün bu yazılanlara baxmayaraq Zakin Fərəcovun Sumqayıt şəhərini bu gün istədiyi şəkildə idarə etməsi də heç kimə sirr deyil. Onun yeritdiyi kadr siyasətinin, yerliçilik,qohumbazlıq kimi prinsiplərinin Sumqayıt şəhər sakinlərinin ciddi narazılığına səbəb olduğu da bu gün heç kimə sirr deyil. Sadəcə sakinlər müəyyən səbəblərdən susmağa üstünlük verir və bu özbaşınalıqların sonunu gözləyirlər.

Qeyd etdiyimiz kimi Zakir Fərəcov Sumqayıtda ən gəlirli sahələrə öz qohumlarını yerləşdirib. Sumqayıtda elə idarələr də var ki, Zakir Fərəcov oraya qohumunu və yerlisini yerləşdirməsə də nəzarəti qohumuna həvalə edib. Məsələn Sumqayıt Küçə İşıqları Təsərrüfat Hesablı Xidmət Sahəsi adlı qurumun rəisi Əhməd Məmmədov İcra başçısının qohumu deyil.Sumqayıt şəhərinin keçmiş icra başçılarından olan Təvəkkül Məmmədovun yaxın qohumlarından biridir.Uzun müddətdir sözügedən idarədə işləyir. Zakir Fərəcov çox güman ki,mərhum Təvəkkül Məmmədova görə Əhməd Məmmədova toxunmayıb, bun günə qədər vəzifəsində saxlayıb. Amma necə saxlayıb? İdarə Sumqayıt Şəhər İcra Hakimiyyəti Mənzil Kommunal Təsərrüfatı İstehsalat Birliyinə tabedir. Birliyin rəisi isə Zakir Fərəcovun bacısı oğlu Hüseyin Həsənovdur.Hesab edirik ki,əlavə şərhə ehtiyac yoxdur.

Qeyd edək ki,Sumqayıt Küçə İşıqları Təsərrüfat Hesablı Xidmət Sahəsinə il ərzində şəhərin küçə işıqlarının təmirinə, bərpasına,yaxşılaşdırılmasına dövlət tərəfindən kifayət qədər vəsait ayrılır.Apardığımız araşdırmalar zamanı açıq mənbələrdən əldə etdiyimiz məlumatlarda təkcə 2014-cü ildə elektrik mallarının satınalınmasına 540 135.56 manat, 2015-ci ildə 502 554.92 manat məbləğində vəsait ayrıldığı görsənir. Düzdür həmin dövrdə Sumqayıt şəhərinə Bakının hazırki meri Eldar Əzizov başçılıq edirdi. Həmin dövrdə sözügedən vəsaitlərin hansı məqsədlərlə xərcləndiyi bəlli deyil. Bəlli olan odur ki, Zakir Fərəcov 2015-ci ildə Sumqayıt şəhərində rəhbərliyə başlayandan sonra abadlıq,təmir və yenidənqurma işləri geniş vüsət aldı. Külli miqdarda dövlət vəsaitlərinin talan edilməsi də məhz elə ondan sonrakı dövrlərə təsadüf edir. Elə Sumqayıt Küçə İşıqları Təsərrüfat Hesablı Xidmət Sahəsinə ayrılmış vəsaitlər də həmçinin. Sözügedən xidmət sahəsinə 2015-ci ildən sonra ayrılmış vəsaitlər ətrafında apardığımız araşdırmalar nəticə verməsə də 2020-ci ildə satınalmalar yolu xərclənən pullar barədə bəzi məlumatlar əldə edə edə bildik. Belə ki,

Sumqayıt Küçə İşıqları Təsərrüfat Hesablı Xidmət Sahəsi tərəfindən mal-materialların satın alınması üzrə müsabiqə yolu ilə keçirilmiş açıq tenderdə 69 868.98 manat dəyərində satınalma müqaviləsi 17.11.2020-ci il tarixdə “WEB-SERVİS” firması ilə bağlanılıb.

Mal-material, elektrik avadanlıqlarının satın alınması üzrə açıq tenderdə 278 882.38 manat dəyərində satınalma müqaviləsi 03.11.2020-ci il tarixdə “İNTERKABEL” firması ilə bağlanılıb.

Mal-material, elektrik mallarının satın alınması üzrə açıq tenderdə 293 147.4 manat dəyərində satınalma müqaviləsi 10.09.2020-ci il tarixdə “İNTERKABEL” firması ilə bağlanılıb.

Mal-materialların, elektrik mallarının satın alınması üzrə müsabiqə yolu ilə keçirilmiş açıq tenderdə 297 513.4 manat dəyərində satınalma müqaviləsi 21.05.2020-ci il tarixdə “RELİABLE OİL SERVİCES” Məhdud Məsuliyyətli Cəmiyyəti ilə bağlanılıb.

Mal-material, elektrik mallarin satınalınması üzrə müsabiqə yolu ilə keçirilmiş açıq tenderdə 293 147.4 manat dəyərində satınalma müqaviləsi 16.04.2020-ci il tarixdə “İNTERKABEL” firması ilə bağlanılıb.

Mal və materialların satıalınması üzrə açıq tenderdə 260 802.42 manat dəyərində satınalma müqaviləsi 01.11.2019-cu il tarixdə “İNTERKABEL” firması ilə bağlanılıb.

Bağlanmış müqavilələrdən də göründüyü kimi Sumqayıt Küçə İşıqları Təsərrüfat Hesablı Xidmət Sahəsi təkcə 2020-ci ildə “İNTERKABEL” firması ilə 865 177 manat dəyərində satınalma müqaviləsi bağlayıb.Ümumiyyətlə isə 2019-cu ilin noyabr ayından 2020-ci ilin həmin ayına qədər satınalmalar yolu Xidmət Sahəsi ilə “İNTERKABEL” firması arasında 1 125 979 manat məbləğində satınalma müqaviləsi bağlanılıb. Qeyd olunan dövrdə digər MMC-lərlə bağlanmış müqavilələri də nəzərə alsaq,bu 1,5 milyon manat civarında vəsait edir. Bu vəsaitlərin nə qədərinin təyinatı üzrə xərclənməsi artıq sual altındadır. Onu xüsusilə vurğulamaq istərdik ki,xidmət sahəsi bir çox işlər üçün tenderləri gizlin şəkildə keçirib ki,bu da qanunvericiliyin tələblərinə zidd bir haldır. Məsələn, idarənin inzibati binasında təmir işlərinin aparılmasına dair mal-materialların satın alınması məqsədilə 06 0ktyabr 2020-ci il tarixdə elan olunmuş tenderin nəticələri satınalmaların saytında yerləşdirilməmiş, və bununla da ciddi qanun pozuntusuna yol verilmişdir.

Aktualinfo.org-un əldə etdiyi məlumatlarda bütün bu qanunsuzluqların başında Sumqayıt Küçə İşıqları Təsərrüfat Hesablı Xidmət Sahəsi rəisi Əhməd Məmmədov deyil, Sumqayıt Şəhər İcra Hakimiyyəti Mənzil Kommunal Təsərrüfatı İstehsalat Birliyinin rəisi,icra başçısının bacısı oğlu Hüseyn Həsənovun durduğu bildirilir.Məlumatlara görə iş o həddə çatıb ki, xidmət rəisi Əhməd Məmmədov evini belə satmaq məcburiyyətində qalib.Nəyə görə? İdarənin xərclərini ödəmək üçün. Ayrılmış vəsaitlər isə təbii ki, ya icra başçısının bacısı oğlu Hüseyn Həsənovun cibinə,yaxud da Zakir Fərəcovun şəxsi məqsədləri üçün sərf olunub.Maraqlıdır,görəsən Əhməd Məmmədovun evinin qiyməti Sumqayıtin qaranlıq küçələrinin işıqlandırılmasına neçə il bəs edib? Məlumatlara görə dayı,bacıoğlunun taladığı vəsaitləri qaytarmağa artıq Əhməd Məmmədovun satılası heç nəyi qalmayıb.Odur ki,aradan çıxmağa fürsət axtarır. Görsənən odur ki,Zakir Fərəcovun növbəti qurbanı Əhməd Məmmədov olacaq.Bəs kimi aldadıdıb yerinə təyin edəcək, gələcək göstərək.
Aktualinfo.org


Paylaş: