Operativ Qərargahın bu gün keçirilən iclasında karantin rejiminin yumşaldılması ilə bağlı qəbul edilən qərarlar açıqlanıb.

Yenisabah.az xəbər verir ki, may ayının 31-dən etibarən bəzi qadağalar ləğv olunur.

Operativ Qərargahdan bildirilib ki, mayın 31-dən etibarən açıq havada maska taxmaqla bağlı qadağa ləğv edilir.

Həmçinin həmin tarixdən etibarən Bakı Metropoliteninin fəaliyyəti bərpa olunur.

İyunun 10-dan etibarən isə ölkədə fəaliyyət göstərən iri ticarət mərkəzlərinin fəaliyyətinə icazə veriləcək. Həmin tarixdən qapalı məkanlarda fəaliyyət göstərən idman zallarının açılması da nəzərdə tutulur. Həmçinin iyunun 10-dan etibarən dini məkanlarda ibadətə icazə verilir.


Paylaş: