3 yaşlı Zəhra Bağırzadənin oğurlanması ilə bağlı cinayət işi açılıb.

regionxeberlericom.az bildirir ki, bu barədə AzNews.az-a açıqlamasında Azərbaycan Uşaqlar Birliyinin sədri Kəmalə Ağazadə deyib.

“Uşaq oğurlanıb. Əlbəttə, bu, pis tendensiyadır ki, Azərbaycanda uşaq oğurluğu baş verib. Onlar daha çox çalışır ki, gözəgəlimli, qəşəng, amma bir az fiziki qüsuru olan uşaqları oğurlasınlar. Bunun da səbəbi var. Çünki belə hadisələr ictimailəşəndə uşaqları oğurlayanlar bilir ki, onlar öz fikirlərini çatdıra bilməyəcəklər. Bu, o demək deyil ki, qaraçılara hücum başlanılmalıdır. Sadəcə nəzarətə götürülüb, araşdırılmalıdır. Onların qucaqlarında olan uşaqların çoxu özlərinin olmur, kirayə götürürlər”.

Qeyd edək ki, bir neçə gün öncə Bakıda 3 yaşlı Zəhra Bağırzadə oğurlanıb. Onu qaçıran qadın Masallı rayon sakini Təzəgül Nəzərovadır. O, Nizami rayonu ərazisində polis əməkdaşları tərəfindən saxlanılıb.


Paylaş: