Məlumat üçün qeyd edək ki, Hacıbala Abutalıbov 1995-2000-ci illərdə Suraxanı Rayon İcra Hakimiyyətinin başçısı olub. Həmən dövrdə Fidumə Hüseynova Suraxanı Təhsil şöbəsinin müdiri vəzifəsini daşıyıb. Bu “cütlük” Suraxanıda milyonlar qazanıblar.
Sonra, yəni 2001-ci ildə H.Abutalıbov Bakı şəhər icra hakimiyyətinin başçısı təyin edildi. Fidumə xanım isə 2003-2005-ci illərdə Binəqədinin icra başçısı işləyib. Həmən dövrdə xanım icra başçısı Binəqədinin torpaqlarını öz dədə malı kimi satıb milyonlar qazandı.
Harada olmasından asılı olmayaraq Hacıbala-Fidumə cütlüyü həmişə “şərik” olublar.
Nəhayət 2005-ci ildə bu cütlük yenidən “qovuşdu”- yəni Fidumə Hüseynova Abutalıbovun müavini oldu.
Düz 16 il merin müavini vəzifəsində çalışan Fidumə Hüseynova 3 ay əvvəl vəzifəsilə vidalaşmalı oldu.
Bu cütlüyün təkcə bir əməlini deməklə kifayətlənək.
Bir müddət əvvəl 12 nəfər sahibkarın Hacıbala Abutalıbovdan 100 milyon manat pulunu geri istəməsi ilə bağlı xəbər şok effekti yaratdı.
Belə ki, 12 sahibkarla Hacıbala Abutalıbov arasında əldə olunan sövdələşməyə görə Bakıda tikinti işlərinin həmin sahibkarlar tərəfindən aparılması üçün 100 milyon manat alınıb. Bu çox ciddi korrupsiya faktıdır və büdcə vəsaitləri hesabına keçirilən tenderlərin rüşvət müqabilində ayrı-ayrı şəxslərə satılmasından xəbər verir.
Sahibkarlar düz 1 ildir Hacıbala Abutalıbovu axtarır, amma “tuta” bilmirlər. Mediada yayılan məlumata görə, bu 100 milyonluq sövdələşmədə bir xanım vasitəçilik edib. Xanım kimdir ?
Hazırda müvafiq dövlət qurumları araşdırma aparır. Və Hacıbala Abutalıbovun həbsi qaçılmazdır.
Əgər Abutalıbov həbs olunarsa, onun “şəriki” Fidumə xanımı da həbsxana həyatı gözləyir. //gundelik-baku.com//




Paylaş: