Adına bazar iqtisadiyyatı dediyimiz zəhrimar nədisə bütün cəmiyyəti bazara çevirir.
Axı, bizim bildiyimiz təhsil sistemi hara, bazar hara ?
Təhsil sistemində çalışanları həmişə üzü ağ, alnı açıq və cibi boş görmüşdük.
Amma indiki rektorların, dekanların çoxunun başı boş, cibi doludur. Təkcə dolu deyil e, heç də rüşvətxor nazirlərdən, komitə sədrlərindən geri qalmırlar.
Bizim tanıdığımız sovet dövrünün rektorları hara, indiki bazarkom rektorlar hara ?
Bəli, təəccüblənməyin, indiki rektorlar rəhbəri olduqları ali məktəbləri sözün həqiqi mənasında bazara çeviriblər. Kimi istəyirlər işdən qovurlar, öz qohum-əqrəbalarını başlarına yığırlar. İmtahanlar pullu, kəsrlər pullu, qayıbları pulla silirlər, tələbələrin təhsil haqlarını öz dədələrinin pulları kimi xərcləyirlər və s.
Ali məktəblərin binalarının, korpuslarının təmirinə xərclənən milyonların çoxu rektorların cibinə gedir.
Ona görə də rektorlar qısa vaxtda oliqarxa çevrilirlər.
Belə rektorlardan biri də Texniki Universitetin keçmiş, Bakı Mühəndislik Universitetinin indiki rektoru Havar Məmmədovdur.
Havar Məmmədov hələ neçə illər əvvəl universitetin idman zalını it boğuşduranlara arendaya verməsi ilə gündəmə gəlmişdi.
Amma nə olsun. Havar Məmmədov 16 il aldığı rüşvət və korrupsiyanın hesabına nələrə sahib olub:
- Binəqədi rayonu, Xocahəsən qəsəbəsində fəaliyyət göstərən dəmir zavodunda armatur və digər məhsullar istehsalı və satışı mərkəzi,
- 4 milyon dəyərində villa və bir neçə dəyəri yarım milyondan çox olan malikanə,
- Heydər Əliyev Məscidinin yaxınlığında, dəyəri 6 milyon olan 3 mərtəbəli villası,
- “Saba Gars” avtomobil mərkəzi,
- “MakroMarket” mağazalar şəbəkəsi və daha nələr.
Bundan başqa, Bakı Mühəndislik Universitetinin rektoru Havar Məmmədov, həmçinin xaricdə də bir neçə dəbdəbəli daşınmaz əmlaka, eləcə də bahalı avtomobillərin, zavodların, çox sayda kiçik və böyük şirkətlərin sahibi olması iddia edilir.
Bu adam üçün ziyalı, alim olmaq önəmli deyil. Önəmli olan pul və yenə də puldur.
Vaxtilə rüşvətxor rektor kimi ad çıxaran Havar Məmmədovun vəzifədən qovulması ilə bağlı Təhsil Nazirliyinin qərarı olub. Amma sonra Havar Məmmədov pulun hesabına qərarı dəyişdirib. Ancaq həmin vaxt aparılan istintaq materialları hələ də Havarı gözləyir.
Yəqin ki, bir gün Havarın havasını alacaqlar.
P.S Rektorun ermənilərə sevgisi haradandır? Elmi rütbəni erməniləri tərənnüm etməklə əldə edən rektor haqqında növbəti yazıda //gundelik-baku.com//



Paylaş: