Zərdab camaatı neçə ildir Mərdan Camalovun gül CAMAL-ını görə bilmir

Mərdan Camalov şəhid atasına kəllə atır...

Belə icra başçılarını minalanmış sahəyə buraxmaq lazımdır

Deməli, Şirvanın sabiq, Zərdabın indiki icra başçısı Mərdan Camalov 1978-ci ildə Azərbaycan Dövlət Pedaqoji İnstitutunun coğrafiya fakültəsini bitirib.
11 il sonra isə Azərbaycan Dövlət İqtisadiyyat İnstitutunun iqtisadiyyat fakultəsini başa vurub.
Bu məsələyə nə üçün xüsusi olaraq diqqət yetirdik.
Məmurlarımızın çoxu 50 yaşdan sonra ikinci ali təhsil alırlar.
Əlbəttə, peyğəmbərimiz də buyurub ki, beşikdən məzara kimi öyrənmək lazımdır.
Ancaq bu məmurlarınkı vallah öyrənmək deyil, nəsə başqa məsələdir.
Adama deyərlər ki, saçın-saqqalın ağaran vaxtdan sonra gedib partada oturmusan, bəlkə imtahan vermisən, bəlkə imtahana hazırlaşmısan..?
Sözün qısası, bizim məmurların, icra başçılarının 2-ci diplom məsələsi komediya mövzusudur. Bəli, hazır diplomları yazıb veriblər əllərinə. Yəqin ki, məmurlar da rektorlara, dekanlara borclu qalmayıb.
Mərdan Camalov da ikinci diplomunu necə alıb, bəllidir.
Nə isə, əsas mövzudan yayınmayaq.
Deməli, Zərdab camaatı yazır ki, neçə ildir icra başçısı Mərdan Camalovun gül camalını görmək istəyirik, amma görə bilmirik. Ona görə də Xoşqədəmin “Səni axtarıram” verilişinə müraciət ediblər ki, bəlkə Mərdan Camalovu tapa bilələr.
Mərdan Camalov icra başçısı olanadək haralarda çalışmayıb ?
Bu adam suda-quruda, bir sözlə, hər sahədə külüng çalıb. “Raypo”da işləyib, zavodda “svarşik” olub, hətta quruda da çalışıb. Bəli, zarafat hesab etməyin, Mərdan müəllim, xeyli müddət Quruda Neft və Qazçıxarma İB-nin maddi-texniki təchizat şöbəsinin rəisi olub.
Cənab icra başçısının əməlli-başlı kəllə atmağı da var.
Bəli, Mərdan Camalov Qarabağ şəhidinin atasına kəllə atıb. Yazıq şəhid atası deyir ki, orada adamlar olmasaydı, Mərdan müəllim məni təpiyin altına salacaqdı.
Deyirəm, gör dünyanın harasıdır ki, icra başçısı şəhidin atasına kəllə atır.
Belə icra başçılarını minalanmış sahəyə buraxsan, bəlkə olmayan ağılları başına gələr. Və şəhidlərin qədrini onda bilərlər.
Görəsən, şəhidin atası icra başçısından nə istəyib ki ?
Yazıq, binəva nə istəyəcək ki, deyib mənə 2-3 sot torpaq ver ailəmi dolandırım.
Mərdan Camalov kimi məmurlar üçün torpaq vermək can vermək kimidir, çünki torpaqları satıb milyonlar qazanırlar. Bunların eybini torpaq örtsün.
Bəli, Mərdan Camalov hələ Şirvanda işləyərkən, rayon ərazisində olan 3 min metr uzunluğunda qaz turbalarını kəsdirib “metallom” kimi satdırıb. Bu cinayət işi ilə ölkədə hamı məşğul olub, amma Mərdan müəllimin heç tükü də tərpənməyib. Hətta Azəriqaz da heç nə edə bilməyib.
Təsəvvür edirsiniz, adam rayon ərazisindəki 3 min metr qaz turbalarını kəsdirib satdırıb.
Vallah ağlı başında olan adam bu hərəkəti etməz.
Amma bu ağılın sahibi düz 14 il Şirvan şəhərinə rəhbərlik edib. Rayondakı bütün idarələrdən hər ay nə isə yığıdırıb.
Amma arxası olmasaydı, Mərdan Camalov bu hərəkətləri edə bilməzdi.
Bəli, Mərdan Camalovun arxasında mərhum qardaşı, Müdafiə Sənayesi naziri olmuş Yavər Camalov dayanmışdı.
Hər şeyi bəlkə də zamanın ayağına yazmaq olardı.
Ancaq 44 günlük müharibə zamanı camaat yas içində olanda, şəhidlərimiz gəldiyi vaxtda Mərdan Camalovun oğlanları ilə kef məclisləri qurub yeyib-içməsini heç hara yazmaq mümkün deyil. Bununla bağlı sosial şəbəkələrdə də “fakt”lar var.
Bu hadisəni ancaq Mərdanovların “qaşqa”sına yazmaq olar. Və onu tarix də silə bilməyəcək.gundelik baki.com/


Paylaş: