Ulu Öndər Heydər Əliyev deyirdi ki, meliorasiya və su təsərrüfatı bizim sərvətimizdir və bu sərvətdən SƏMƏRƏLİ istifadə etməliyik.
Mərhum Prezident bir cümlədə 2 mühüm məsələyə toxunub.
Birincisi, suyun milli sərvət olması barədə fikrini bildirib.
Görəsən, “Meliorasiya və Su Təsərrüfatı” ASC-nin Neftçala Suvarma Sistemləri İdarəsinin rəisi Elçin Ataş oğlu Əsədov başa düşmür ki, milli sərvəti dağıtmazlar, talan etməzlər.
İkincisi, Ulu Öndər bildirb ki, sudan səmərəli istifadə edərlər.
Elçin Əsədov isə sudan nəinki səmərəli istifadə edir, əksinə başını açıb fermerlərə, sahibkarlara su sataraq milyonlar qazanır.
Təsadüfi deyil ki, Neftçalada gəlib-gedən icra başçılarının “rüşvət dəftəri”ndə həmişə 1-ci yerdə Elçin Əsədovun adı olub.
Elçin Əsədov neçə illərdir ki, idarənin balansında olan texnika, avadanlıq və mexanizmləri köhnəlmiş adı ilə balansdan çıxardaraq satır və bu yolla yüz minlər qazanır.
Elçin Əsədov eyni zamanda idarənin keçirdiyi tenderləri “sataraq” tenderlərdən külli miqdarda “otkat” alır və dövlətin ayırdığı vəsaiti təyinatı üzrə deyil, şəxsi maraqları üçün istifadə edir.
Elçin Əsədov fermerlərin idarə ilə bağladığı müqaviləni bir kənara tullayıb, dövlət rüsumundan əlavə xeyli miqdarda pul tələb edir. Torpaq sahələrini əkmək istəyən rayon sakinləri ərazilərini suvarmaq üçün mütləq Elçin müəllimin maraqlarını nəzərə almalıdır.
Yəni Elçin Əsədovun özünün müəyyən etdiyi “su rüsumları” var. Bu “rüsum” ödənilməsə heç kimə su verilmir.
Elçin Əsədov köhnə avadanlıqları, nasosları “kraska”layaraq təzə adı ilə sənədləşdirir və milyonları mənimsəyir. Və su kanallarını təmizləmədiyi üçün su itkisi Prezident İlham Əliyevin dediyi kimi 40-50 faizə çatır. Buna görə də əkin sahələrində ciddi problem yaranır.
Bunlardan əlavə cənab rəis kanalların təmizlənməsi üçün ayrılan yanacaq və sürtkü yağlarının da pulunu mənimsəyir.
Dövlət yeni su kanalalrının çəkilməsi üçün milyonlar ayırır. Ancaq Elçin Əsədovdan soruşan yoxdur ki, bu pullar hara xərclənib ?
Elçin Əsədov kimiləri başa düşmür ki, milli təhlükəsizliyin əsas elementlərindən biri də ərzaq təhlükəsizliyidir. Əgər əkin sahələri normal su ilə təmin olunmursa, biz hansı ərzaq təhlükəsizliyindən danışa bilərik.
Elçin Əsədov həm də qohum-əqrəbasını dövlət qurumuna dolduraraq özünün korrupsiya əməllərinə münbit şərait yaradır.
Neftçala Suvarma Sistemləri İdarəsində transformatorların, elektrik mühərriklərinin, nasos aqreqatlarının əsaslı təmiri adı altında yüksək məbləğlər hesabdan çıxarılaraq şəxsi ciblərə gedir.
Rayon sakinləri Elçin Əsədovun əlindən beziblər. Vətəndaşlar konkret olaraq müxtəlif orqanlara yazır ki, Elçin Əsədov idarəyə ayrılan tonlarla yanacağı kənar adamlara sataraq milyonlar qazanır.
Və Elçin Əsədov qazandığı milyonların hesabına Bakıda və Neftçalada möhtəşəm villalara sahibdir.
Vətəndaşlar bildirir ki, Elçin Əsədov rüsumdan əlavə hər hektara 200 manat pul tələb edir, bu isə camaatı dövlətdən narazı salır.
Məlumdur ki, Neftçala rayonu ölkənin balıqla təminatında əsas yerlərdən birini tutur. Yəni bu çox vacib ərzaq məhsulunun yetişdirilməsi və insanlarımızın süfrələrinə çatdırılması üçün çalışırlar. Yetişdirilən balığın böyük əksəriyyət hissəsi isə süni gölməçələrdə yetişdirilir. Sahibkarlar gölməçələrə kiçik balıqları buraxırlar. Təbii ki, balıqları suya buraxmaq üçün gölməçələrə su vurulmalıdır.
Lakin Elçin Əsədov istədiyi “summa”nı almasa buna razılıq vermir.
Beləcə, Prezidentimizin dediyi aqrar sektorun inkişafı məsələsi nəticə vermir.
Çünki Elçin Əsədovlar üçün Prezidentin tapşırığı deyil, öz cibləri və maraqları daha önəmlidir.
Bir sözlə, Neftçalada Elçin Əsədovun zülmü ərşə dirənib.
Görəsən, dövlət orqanları bunu görmür ?
Növbəti sayımızda istintaqda dili dodağı topuq vuran Elçin Əsədovun İsmayıl Vəliyevlə maxinasiyalarından bəhs edəcəyik. Bizi izləyin. //gundelik-baku.com//


Paylaş: