Zərdabın icra başçısı Mərdan Camalov şəhid Sərdar Əhədovun atasının torpağını əlindən alıb. TİA.Az xəbər verir ki, 1-ci Qarabağ müharibəsində torpaq uğrunda qəhrəmancasına şəhid olan S. Əhədovun indi atasına bir qarış torpağı çox görürlər. Şəhid atasına qanuni, sənədli verilmiş 10 hektar torpaq sahəsi indi zəbt olunub. Şəhid atasının mediaya dediyinə görə, Zərdab rayon icra başçısı Mərdan Camalovun sifarişi ilə torpağı əlindən alıblar. “Həmin torpaq sahəsində əkdiyim taxılı və yoncanı mal-qaraya otardıb tələf etdilər. Mal-qara sahibləri mənə dedilər ki, buna icazəni icra başçısı Mərdan Camalov verib.

Hansı ki, həmin torpaq sahəsini qanuni qaydada bələdiyyədən müqavilə ilə 25 illik icarəyə götürmüşəm. Əlimdə reyestr çıxarışı və icarə müqaviləsi var”- şikayətdə bildirir.

TİA.Az