Bu gün Ucar rayonunun Qaracallı kəndində şəhid Rəmal Gülüşovun anım mərasimi keçirilib.

Rəmal Şahin oğlu Gülüşov 5 avqust 1995-ci il tarixdə Ucar rayonunun Qaracallı kəndində anadan olub.  Ucar rayon Qaracallı kənd 2 nömrəli tam orta məktəbdə təhsil almışdır. Azərbaycan Ordusunun əsgəri olan Rəmal Gülüşov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində könüllü olaraq iştirak etmişdir. Suqovuşanın və Füzulinin azadlığı uğrunda gedən döyüşlərdə vuruşmuşdur. Rəmal Gülüşov 15 oktyabr 2020-ci ildə Füzuli rayonu istiqamətində döyüş tapşırığının yerinə yetirilməsi zamanı şəhid olmuşdur. 16 dekabr 2020-ci il tarixdə doğulduğu Qaracallı kənd qəbirstanlığında dəfn edilmişdir. 

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidentinin Sərəncamına əsasən Rəmal Gülüşov ölümündən sonra "Vətən uğrunda", «Suqovşanın azad olunmasına görə»  medalları ilə təltif edilib. 

Allah Şəhidlərimizə rəhmət eləsin.

Fuad Hüseynov RegionXəbərləri.com