Bir zamanlar qara mazut bazarının gizli alverçilərindən sayılan və keçmiş spiker Rəsul Quliyevin sayəsində milyonlar qazandığı iddia olunan sabiq millət vəkili Rza İbadovla bağlı ilginc iddialar yayılıb. Bu barədə tanınmış araşdırmaçı-jurnalist Cavanşir Həsənli paylaşım edib.

Cavanşir Həsənli yazır:

"Hazırda Londonda yaşayan keçmiş deputat Rza Ibadov peşəkar poker oyunçusu imiş. Xoşladığı məkanların başında Londonun ən gur əyləncə məkanı Grosvenor Victoria Casino gəlir. Əvvəllər isə poker üçün Londondan Minskdəki "Emir" kazinosuna gedib gəlirmiş".

Xatırladaq ki, 1995-2000-ci illərdə Rza Ibadov Milli Məclisin deputatı və parlamentin Beynəlxalq münasibətlər və parlamentlərarası əlaqələr Daimi Komissiyasının rəhbəri olub.

İddia olunanlarla bağlı dia.az olaraq qarşı tərəfi də dinləməyə hazırıq...