“SOCAR Türkey” şirkətinə məxsus tankerdə partlayış baş verib.
 Petkim neft-kimya kompleksinə məxsus limanda baş verən partlayışdan sonra güclü yanğın başlayıb. Nəticədə 2 nəfər ölüb, 15-i İtaliya, 1-i isə Rumıniya vətəndaşı olmaqla 16 nəfər xəsarət alıb.

Partlayışın hansı səbəbdən baş verdiyi araşdırılır.

SOCAR mətbuat katibi İbrahim Əhmədov "Anews.az"a deyib ki, bu gecə Petkim limanında göyərtəsində partlayış baş vermiş gəmi Azərbaycan Dövlət Neft Şirkətinə məxsus deyil.

Açıqlamada bildirilir ki, dünən gecə saat 23.20 radələrində, maye karbohidrogenlərin doldurulması üçün İtaliyanın bayrağı altında üzən gəmidə partlayış olub və yanğın baş verib.

Yanğınsöndürənlərin dərhal müdaxiləsi nəticəsində yanğın söndürülüb və gəmidə soyutma işləri davam edir.

Gəminin bütün personalı evakuasiya edilib və yaralı gəmi işçiləri eləcə də qazdan təsirlənmiş bir şəxs müalicə üçün xəstəxanaya köçürülüb.

Yanğınla əlaqədar araşdırmalar davam edir.



Paylaş: