Elmi-Tədqiqat Ağciyər Xəstəlikləri İnstitutunda direktor Həqiqət Qədirova gestapo rejimi formalaşdırıb. TİA.Az xəbər verir ki, bu səhiyyə müəssisəsində Şimali Koreyada olan idarəçiliyin elementləri hiss olunur. İnstituta rəhbərlik edən Həqiqət Qədirova ilə kollektiv arasında qarşıdurmalar getdikcə dərinləşir.

Həqiqət Qədirovanın təkcə on aylıq idarəçiliyi dövründə Elmi-Tədqiqat Ağciyər Xəstəlikləri İnstitutunun 8 nəfər peşəkar mütəxəssisi daşıdıqları vəzifələrindən uzaqlaşdırıb. Onlar aşağıdakı şəxslərdirlər:

Kamal Əliyev; tibb elmləri doktoru. Vərəm cərrahiyyəsi üzrə yeganə aparıcı cərrah, şöbənin elmi rəhbəri,

Ruhiyyyə Səfərova; Anestezioloq-reanimatoloq.

Vüqar Behbudov; həkim-cərrah (Cəmi 1 ay işləyə bilib),

Səbinə Məmmədova; tibb elmləri namizədi, şöbə müdiri.

Vüqar Səfərov; Anestezioloq- reanimatoloq, şöbə muduri.

Aygün Alxasova; tibb elmləri namizədi, laboratoriya şöbəsinin müdiri.

Elşən Həsənov; anestezioloq-reanimatoloq.

İşə yenicə qəbul edilən anestezioloq- reanimatoloq gənc bir qız İnstitutda 1 gündən artıq işləyə bilməyib. Potensial qurbanlar:

Arif Qurbanov – həkim rentgenoloq

Cəmil Ələkbərov – tibb elmləri namizədi, Səhiyyə Nazirliyinin aparıcı cərrahı, elmi işçi. Cəmil həkim həm də aprel döyüşlərinin iştirakçısı olur.

Xatirə Əliyeva – USM həkimi

Həqiqət Qədirova peşəkar kadrlara qarşı başladığı “səlib yürüşü”nü bu gün də davam etdirməkdədir. Hazırda o, bütün gücünü və potensialını bu institutun həkimi Füzuli Əliyevin üzərinə yönəldib ki, bu işdə ona Elmi-Tədqiqat Ağciyər Xəstəlikləri İnstitutunda baş həkim vəzifəsini müvəqqəti əvəz edən Nailə Mahmudovanın əməlli-başlıca təkan verdiyi söylənilir.

Məsələn, Füzuli həkimin həyata keçirib You Tubedə paylaşdığı video-çəkilişlərdən görünür ki, rəhbərlik ona qarşı çirkin niyyətlərini həyata keçirmək üçün müəyyən oyun qaydaları oynayır. Yəni guya ki, Füzulu həkim hansısa xəstədən 200 manat rüşvət alıb.

Amma çəkilişi həyata keçirilən xəstə video-çəkiliş zamanı “Füzuli həkim bizə çox gözəl baxıb, heç vaxt o, məndən pul istəməyib və ona pul verməmişəm. Odur ki, Füzuli həkimdən heç bir narazılığım yoxdur” deyir.

Eyni zamanda bu institutda liftlər işləmir, alətlər olduqca köhnədirlər; cərrahiyyə blokunda əməliyyatlar getmir, sanitar-gigiyenik qaydalar kobud şəkildə pozulur, su puluna görə sular mütəmadi kəsilir, elektrik şitlərinin qaydaya salınması üçün həkimlərdən pul yığılır.

Söylənilənlərə görə, yığılan pulların müəyyən hissəsi Bakı şəhər Gigiyena və Epidemiologiya Mərkəzinə rüşvət şəkilində verilir. Bu ittihamlarla bağlı qarşı tərəfin mövqeyini dinləyə bilərik.