"Ukrayna Beynəlxalq Ədalət Məhkəməsində Rusiyaya qarşı iddiasında tam qələbə qazanıb".

Bu barədə Ukrayna Prezidenti Vladimir Zelenski "twitter"də bildirib.

"Beynəlxalq Ədalət Məhkəməsi işğalı dərhal dayandırmağı tələb edir. Bu qərar beynəlxalq hüquq çərçivəsində məcburidir. Rusiya dərhal buna əməl etməlidir. Sərəncama məhəl qoymamaq Rusiyanı daha da təcrid edəcək", - deyə Zelenski bildirib.

Qeyd edək ki, Beynəlxalq Ədalət Məhkəməsinin yaydığı sənədə görə, Rusiya Federasiyası iş üzrə yekun qərara qədər, 24 fevral 2022-ci il tarixində Ukrayna ərazisində başladığı hərbi əməliyyatları dayandırmalıdır.