Son bir ildə Böyük Britaniyanın paytaxtı London şəhərində Azərbaycan vətəndaşları və azərbaycan əsilli şəxslər tərəfindən onlarla şirkət qeydiyyatdan keçirilib.

Böyük Britaniyanın rəsmi qurumları tərəfindən açıqlanan məlumatlara istinadən bildirir ki, Londonda yeni şirkət açanların arasında tanınmış həmyerlilərimiz də var.

Onlardan biri sabiq milli təhlükəsizlik naziri Eldar Mahmudovun oğlu Anar Mahmudovdur. Anar Mahmudov ötən ilin dekabr ayında “The Old Rectory Church Street, Weybridge, Surrey KT13 8DE” ünvanında yerləşən “Britannia Group Ip Holdings Limited” şirkətinin direktoru təyin olunub. Şirkət ötən ilin mart ayında təsis olunub.

Onu da bildirək ki, Anar Mahmudov daha əvvəl Londonda qeydiyyatda olan “Mea Capital Limited” şirkətinin direktoru olub. Bu şirkət 6 oktyabr 2020-ci il tarixində bağlanıb.

Londonda şirkət açan tanınmış azərbaycanlılar arasında Baş nazirin sabiq müavini Abid Şərifovun nəvəsi Nicat Mahmudov da var. Bu ilin fevral ayının 14 –də qeydiyyata alınan “Londoncapsule Limited” şirkəti  “Durweston Street, London, W1H 1PG” ünvanında yerləşir. Nicat Mahmudov eyni zamanda 2017-ci ildə təsis olunan “Abeona Global Limited” şirkətinə də rəhbərlik edir. Nicat Mahmudov həm də 6 saylı cəzaçəkmə müəssisəsinin rəisi Məmməd Mahmudovun oğludur. Nicat Mahmudov anası, yəni Abid Şərifovu qızı – Təranə Mahmudova isə hazırda Nərimanov rayonunda fəaliyyət göstərən “Optimed” Tibb Mərkəzinin direktorudur.

Otən bir ildə Londonda şirkət açan azərbaycanlılar arasında ən yaşlısının 52 yaşı var. Rövşən Rəsulov adlı həmyerlimiz ötən ilin oktyabr ayında “Rgand Uk Ltd” adlı şirlət təsis edib. Böyük Britaniyanın paytaxtında şirkət açan ən gənc azərbaycanlının isə 19 ayşı var. 2003-ci ildə anadan olan Vüqar Məmmədov adlı Azərbaycan vətəndaşı təxminən 2 ay əvvəl – 11 fevral 2022-ci il tarixində Londondan “Mammadovvugar Ltd” adlı şirkətini qeydiyyatdan keçirib.

Son bir ildə Böyük Britaniyanın paytaxtı Londonda azərbaycanlılar tərəfindən qeydiyyatdan keçirilən şirkətlərin bəzilərini təqdim edirik: