Sözün düzü, Azərbaycan məmurlarının əməlləri ilə bağlı yazmağa nə ciddi maraq var, nə də səbəb…

Oxucular soruşa bilər ki, NİYƏ…?

Niyəsini deyək..

İstənilən normal ölkədə mediada gedən yazı hüquq-müfaizə orqanları üçün araşdırma-təhqiqat mövzusudur…

Bəli, lap yaxın tariximizdə “Kirpi” jurnalında gedən bir yazı o dəqiqə icraata götürülürdü, nəticəsi ilə bağlı cəmiyyətə məlumat verilirdi…

Amma ölkə mediası, o cümlədən, Gündəlik-Bakı olaraq az qala 1 ildir yazırıq ki, Zərdab rayonunun icra başçısı Mərdan Camalov rayonu istismar edir.

Mərdan Camalov rayondakı sahibkarları incidir.

Heç, bir maraqlanan yoxdur ki, rayonda nə baş verir ?

Yazırıq ki, Mərdan Camalov Şirvanda icra başçısı olarkən, 500 min dəyərində qiymətli metalı sataraq Rabitə Nazirliyinin o zamankı Aparat rəhbəri Vidadi Zeynalovla bölüşüb...

Bir nəfər zəng vurub soruşmur ki, nə yazırsınız…?

Söhbət 500 min manat dəyəri olan dövlət əmlakından gedir ee...

Mərdan Camalovun dövlət əmlakını mənimsəməsini harasa yazmaq olar. Amma...

Amma şəhidin atasına kəllə atmasını heç hara yazmaq olmur....

Bəli, 1-ci Qarabağ müharibəsində şəhid olan əsgərimizin Zərdab sakini olan atası deyir: “ Mən Mərdan Camalovun qəbulunda oldum. O mənim üstümə ŞIĞIYIB QIŞQIRARAQ MƏNİ VURMAQ İSTƏDİ. Orada olan insanlar müdaxilə etməsəydi, icra başçısı məni döyəcəkdi”. Gör dünyanın harasıdır ki, Mərdan Camalov şəhid atasının üstünə şığıyır, onu döymək istəyir.

Sən kimsən ay çilingər, ay “qazovşik”, sən şəhid atasını döymək istəyirsən. Sən Allahdan, Prezidentdən qorxmursan, ay Mərdan Camalov ?

Şəhid atası deyir ki, mən də başqa Zərdab sakinləri kimi qanuni sənədlərlə 25 illiyə torpaq icarəyə götürmüşəm, taxıl, yonca əkirəm, ailəmi dolandırıram: “ Mərdan Camalovun sifarişi ilə torpağı əlimdən aldılar. Həmin torpaq sahəsində əkdiyim taxili və yoncanı mal-qaraya otarıb tələf etdilər. Mal-qara sahibləri mənə dedilər ki, buna icazəni icra başçısı Mərdan Camalov verib”.

Prezident İlham Əliyev demişkən, Camalov, sən Allahdan da qorxmursan ?

Şəhid atası deyir ki, Mərdan Camalov Zərdab rayonuna icra başçısı təyin ediləndən əhaliyə zülm edir.

İcra başçısı şəhidin ruhunu təhqir edir, şəhid ailəsinə isə hörmətsizlik edir.

Bəli, Şirvanda ən bahalı torpaqları satan, ticarət, ictimai-iaşə obyektlərini, restoranları ələ keçirən, üstəlik “DOST” İş Mərkəzi xətti ilə ictimai işlərə adları qeyd edilmiş şəxslərin maaş kartlarını seyfində saxlayan Mərdan Camalov Şirvandan sonra Zərdabı viranə qoyur.

Şəhid atasına kəllə atan Mərdan Camalovun Şirvanda Azəriqaza məxsus 3 min metr iri diametrli borunu doğrayaraq satması və qazandığı pulları o zamankı baş prokuror Zakir Qaralovla bölməsi hamıya məlumdur.

Hələ bu harasıdır ?

Mərdan Camalov Şirvandakı torpaqları əvvəlcə hektarlarla, sonra kv.m satıb milyonlar qazandı. İndi də Zərdabın torpaqlarını satır.

Mərdan Camalov dünyanı bəlaya salan koronavirusdan da pul qazanır, sahibkarlardan pul yığır, iş adamlarına zülm edir.

İndi görək, Mərdan Camalov hansı eşqə düşüb..?

Bəli, son vaxtlar icra hakimiyyətlərinin ləğv olunacağı, yeni inzibati-idarəetmə sisteminin yaradılacağı, Regional İcra Başçılarının olacağı barədə fikirlər səsləndirilir.

Guya Azərbaycan inzibati olaraq 14 regiona bölünəcək və hər regionun icra başçısı, yəni “qubernator”u olacaq.

Mərdan Camalov məclislərdə deyir ki, 14 qubernatordan biri mən olacam, 3-4 rayona rəhbərlik edəcəm.

Mərdan Camalov hətta həddini aşaraq deyir ki, mən yuxarı ilə danışmışam, yaxın zamanda 14 regional icra başçısından biri mütləq mən olacam.

Bu adama başa salan yoxdur ki, sən kimsən, nəçisən ki, özündən böyük danışırsan.

Axı, ölkənin rəhbəri, cənab Prezident var, onun müstəsna səlahiyyətinə aid vəzifələr var.

Sən deyirsən, özüm həll etmişəm...

Sözün qısası, Mərdan Camalov artıq ağlına gələni danışır. Deyilənə görə, onun ÇEKAB müayinəyə ehtiyacı var. Bu isə bizim işimiz deyil.

Qarşı tərəfin mövqeyini dərc etməyə hazırıq. //gundelik-baku.com//