Naxçıvandan redaksiyamıza saysız-hesabsız məktublar gəlir. Məktubların hər biri də sənət əsəri. İnsafən, Allah naxçıvanlılara bəxt verməsə də, qələm verib.

RegionXəbərləri.com olaraq ovqat.com-a göndərilən məktublardan birini olduğu kimi dərs edirik:

“Xan”ın bu 30 ildə vəzifəsindən asılı olmayaraq naxçıvanlıların başına açdığı oyunların yalnız ondan bir-ikisini deyirsiniz. Yazdığım bu zülmləri yaşayan və iştirakçısı kimi bidirirəm ki, “xan” yatanda yuxuda nə görürsə səhər oyananda röyalarını gerçəkləşdirməyi əmr edir və onların icrası barədə tapşırıq verir. Həmin tapşırıqlar konkret olaraq qeyd-şərtsiz icra olunmalıdır. Kimsənin hünəri çatmaz, desin ki, bu iş faydasızdır. Əks təqdirdə həmin adam özünü həbsxanada görər.

Nə isə, biləsiniz ki, Naxçıvanda ciddi su problemi var, dəhşətli istilərə insanlar kimi əkinlər də dözmür. Buna görə ölkə başçısı son illər bir neçə dəfə suvarma məqsədilə artezian quyularının qazılması üçün Naxçıvana milyonlarla pul ayırır. Bəs “xan” həzrətləri nə edir? Köhnə artezianları boyayıb yeni qazılmış kimi sənədləşdirirlər və həmin milyonlarla vəsait yoxa çıxarır. Milyonlardan cüzi bir vəsait yalnız boya almağa xərclənir. Qalan vəsaiti müəyyən yollarla silib mənimsəyirlər. Kədlilərin əkinləri isə gözunün qabağında cayıl-cayil yanır. Su tələb edən əkinçi və ya digər vəzifə daşıyanlar işdən çixarilır, 15 sutkalığa atılır. “Xan” prezidenti belə aldadır.

Sizə konkret fakt deyirəm. Yəqin ki, “xan” həzrətləri 2016-cı ilin yanvar ayında yuxuda görmüşdü ki, Naxçıvanın bütün kənd və qəsəbələrdə qəbirlərin ətrafındakı dəmir məhəccərlər sökulməlidir. Tapşırıq, təbii ki, qəti olaraq icra olunmalıdır. Həmin ili çoxlu qar yağmışdı - azı 30 sm, hava da dəhşətli şaxtalı idi. Naxçıvanda qışın necə sərt keçdiyini özünüz də bilirsiniz. Ölü sahıbləri yalvararaq xahış edirdilər ki, qoy yaz gəlsin havalar isinəndən sonra dediyinizi yerinə yetirək . Ancaq “xan” təkrar tapşırıq verdi ki, 15 gün ərzində qəbrlərin ətrafı sökülsün və həmin hissələrlə ümumi qəbrsanlıq hasarlansın. Vəssəlam, şüt-tamam. Yazıq camaat və vəzifəlilər 30 dərəcə şaxtada 30 sm-lik qarda tapşırığı icra etdilər. Bu camaata zülm etmək deyil, bəs nədir?

Elə həmin ildə, sizin tez-tez barəsində yazdığınız DİN-nə, şəxsən Ə.Əhmədova tapşırıq verdi ki bütün kənd və qəsəbələrdə əhalinin həyatyanı sahələrinin ətrafında olan köhnə “setka” hasarlar və divarlar sökülsün yenisi ilə bərpa olunsunlar. Özü də camaatin öz vəsaiti hesabına. Buna narazılıq edənlərin hasarı ekskvatorların kürəyiciləri ilə darmadağın olundu. Camaat deyirdi ki, imkanım yoxdur yeni hasar çəkməyə. O dəqiqə o insanları cəzalandırırdılar. Deyirdilər darvaza qapınızı göy rəngdə ilə boyayın. Boyamayanlara zor gücünə bunu etdirdilər. Kasıb camaat bilmirdi nə etsin, kimə bu haqsızlıqları desin. Bakıya şikayət ərizəsi yazırlar, şikayətlər paytaxtdan Naxçıvan Ali Məclisinə göndərilir. Nəticədə “xan”ın iradəsinə qarşı çıxanlar, onun yuxuda gördüklərinə etiraz edənlər sərt şəkildə cəzalandırılır. Bəzilərinə hətta dəli adı qoyub dəlixanaya göndərirlər. Əməlli-başlı ironik vəziyyətdir: öz yuxusunu tətbiq edənlərə böyük düha, ona etiraz edənlərə isə dəli gözüylə baxırlar.

Bilirsiniz ki, əsasən dağ kəndlərində bəzi hasarlar odun bağlamalarından olur. Polislər od vurub yandırırdılar həmin hasarları, deyirdilər ki, ““xan” deyib biz də icra etməliyik. Biz nə karəyik ki, “xan”ın əmrinə şəkk edək. Polislər camaata deyirdilər ki, cənab “xan”ın yuxuları sayəsində Naxçıvanı Avropaya çevirəcəyik. Bir deyən yoxdur ki, ay bala, “xan” hara, Avropa hara?

Bu gün də davam etməkdə olan basqa bir məsələ haqqında. 1997-ci ildə torpaq islahatı aparılan zaman hər kəsin həyətyanı sahəsi ölçülüb torpaq şəhadətnaməsi verilib. İndi “xan”ın tapşırıqı ilə həyətyani sahələr yenidən ölçülür. Deyirlər ki, islahat zamanı səhv ölçmüşük, indi guya öz səhvlərini caamatdan pul yığmaqla düzəldirlər. Özü də pulu banka keçirməyə qoymurlar, nağd şəkildə yığırlar. Dəhşətdir, gör, nələrdən pul yığırlar.Pul verməkdən imtina edənləri polis idarələrinin zirzəmilərinə doldururlar, pulu verməyincə buraxmırlar.

Polis və məhkəmələr də yaman günə qalıb. Onlar da bilirlər ki, bu islərin hamısı qurama isdir. Ancaq pul yığmaq üçündür onlar da belə bilirlər. Qalıblar pis vəziyyətdə. Bu iş hazırda da davam edir”.