Rusiyanın paytaxtı Moskvanın qərbində bir nəfər Mərkəzi Klinik Xəstəxananın pəncərəsindən yıxılaraq ölüb.

Bu barədə TASS-a hüquq-mühafizə orqanlarından məlumat verilib.

“Hadisə Moskva vaxtı ilə saat 07:00 radələrində Marşal Timoşenko küçəsində yerləşən Mərkəzi Klinik Xəstəxanada baş verib. Kişi altıncı mərtəbənin pəncərəsindən yıxılıb, aldığı xəsarətlər nəticəsində dünyasını dəyişib”, - mənbə bildirib.

Hadisənin səbəbləri və şəraiti müəyyən edilir.

Mətbuatda yayılan məlumata görə, bu şəxs “Lukoyl” neft şirkətinin direktorlar şurasının sədri və vitse-prezidenti Ravil Maqanovdur.